اشترى ايه نيسان صنى سوبر صالون ولا ميتسوبيشى لانسر اول فئة
 

يا جماعة ارجو الافادة من الناس اللى عندها خبرة فى اليابانى انا محتار بين شراء نيسان صنى سوبر صالون و ميتسوبيشى لانسر 1600 أوتوماتيك
الفرق فى السعر حوالى 12 ألف جنيه انتوا رأيكوا ايه ؟

رد: اشترى ايه نيسان صنى سوبر صالون ولا ميتسوبيشى لانسر اول فئة
 

- حضرتك واضح من مواضيعك انك قارنت بين الاثنين كتير واكيد عارف الفارق بينهما
- وعارف ان الانسر صالونها اوسع من الداخل
- والانسر يابانى اما الصنى تقفيل مصرى
- وانا شخصيا ً لما شفت الصنى فيها اوبشن من الداخل اعلى وان كانت اشياء بسيطة مثل كتر اماكن التخزين حتى النظارة عاملين حسابها وتلاقى انوار الصالون اكثر ( مقارنة بأول فئة بالانسر ) ونور فى الابواب لما بتفتح ( اقصد بالباب نفسة ) وكلها اشياء فى وجهة نظرى مقارنة بعربية يابانى المنشأ والتقفيل بتكون بيسطة
- وانا توقفت اما النيسان كثيرا
- ولكن فى النهاية اخترت الانسر 1600 اتوماتيك ودى وجهة نظرى
- ولكن 12 الف مبلغ مش بسيط ولو متوفر فعلا ً يبقى الموضوع بسيط
مع تمياتى لك بالتوفيق فى اخيار الافضل

رد: اشترى ايه نيسان صنى سوبر صالون ولا ميتسوبيشى لانسر اول فئة
 

طبعاحضرتك ليك حق تحتار
بس ببساطة كدة حتلاقي اوبشن كتير مش موجودة في اللانسر ممكن حضرتك تجيب الصني السوبر صالون نازلة بازاز فامية( لسة نازلة قريب )
النيسان فيها حساس اكسجين لتوفير البنزين
النيسان كشكل اقيم واشيك يكفي ان الهيئات الحكومية بتجيب الصني
عوامل امان اعلي (ايرباج +اية بي اس)
جنوط( كاوتش ياباني بردج ستون)
عيوب النيسان
كنبة خلفية ضيقة
اعادة بيع مش زي الانسر (الانسر افضل بكتيير )
دة من وجهة نظري ربنا يوفقك في الاختيار

رد: اشترى ايه نيسان صنى سوبر صالون ولا ميتسوبيشى لانسر اول فئة
 

السوبر صالون طبعا

رد: اشترى ايه نيسان صنى سوبر صالون ولا ميتسوبيشى لانسر اول فئة
 

الصنى أفضل و بها كماليات اكتر...