|
العداد بتاع البولو 95 ارجو الاهتمام
انا عربيتى بولو 95 ( 70 RPM \ السرعة 200 كم )
عداد السرعة ساعات يشتغل و ساعات لا بس غالبا لا عداد البنزين مش شغال خالص عداد الـ(RPM) سعات بيشتغل و ساعات بيسقط بس الغالب بيشتغل عداد الحرارة بسم الله ما شاء الله تمام شغال رحت الحرفيين لاتنين كهربائية و واحد بتاع عدادات مشهور اسمه خالد كوستا كشفولى على الكهربا و الارضى وبلمبة اختبار و قالولى اشترى عداد جديد رحت اجيب العداد مالقيتش العداد بتاعى بالظبط معظم اللى لقيتو بتاع ابيزا او بولو بس مش 95 معظم اللى لقيتو( 60 RPM او 50 RPM \ 220 كم او 260 كم ) جربت عدادين من دول الاتنين بعد التجربة مجرد ما الـ RPM بيعدى الـ 40 لمبة الزيت بتنور و بتدى انظار و فى العدادين عداد البنزين ما اشتغلش فرجعتهم تانى و ركبت العداد بتاعى على عيبه ممكن الساده الافاضل يفيدونى فى المشكلة دى شكرا للاهتمام ارجو الافادة ، |
رد: العداد بتاع البولو 95 ارجو الاهتمام
حضرتك قصدك لوحة العدادات كلها
حلها انك تعتر فى واحدة سليمة من مجاميعه يفضل تكون راكبه على نص لو ليك حد فى بورسعيد احتمال كبير يلاقيها |
رد: العداد بتاع البولو 95 ارجو الاهتمام
شكرا لاهتمام سيادتك بس مفيش حل اسهل من كده انا من القاهرة
|
رد: العداد بتاع البولو 95 ارجو الاهتمام
للاسف معرفش
يمكن حد تانى يفيد |
رد: العداد بتاع البولو 95 ارجو الاهتمام
بالنسبه للبنزين ممكن حساس العوامه فيه مشكلة غيرة ان شاء الله يشتغل في القديم او الجديد
طبعا معني كده ان لوحه العدادات قيها مشكلة او الحساسات فيها مشكلة انزل الحرفيين واسئل علي عم صابر الكهربائي وان شاء الله يحل لك المشاكل بالكشف علي الحساسات لكن من كلام حضرتك ان الار بي ام اشتغل علي اللوحه الجديدة ودا معناه بردوا ان اللوحه فيها مشكلة الحل الامثل اكشف علي كل الحساسات الاول وبعد كده هنشوف هنغير اللوحه ولا لا - والمشاكل دي حصلت مره واحده ولا علي فترة كبيرة |
| الساعة الآن 11:41 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017