ممكن مساعدة لو سمحتم
 

انا معوق ومعايا شهادة 5%معوقين ومحتاج من حضرتاكم عنوان القمسيون الى بروح اكشف فية عشان اقدم على عربية معوقين لانى سالت ناس كتير ولفيت كتير وماوصلتش لحاجة علما انى من طوخ_ القليوبية فاقرب مكان اروح اقدم فية الورق فين ارجو الرد فى اسرع وقت ولسيادتكم جزيل الشكر

رد: ممكن مساعدة لو سمحتم
 

فى الحى السادس مدينة نصر المجالس الطبية المتخصصة كشف عادى ب 100 جنية ومستعجل ب500 ويستحسن تكشف مستعجل النظر فى نفس اليوم والعظام بعد 20 يوم او شهر

رد: ممكن مساعدة لو سمحتم
 

هو مفيش غير مكان وحد على مستوى الجمهورية تروح له وهو زى ما الأخ توفيق قال لك فى بمنى المجالس الطبية شارع الصحة بجوار قسم ثانى مدينة نصر خلف مستشفى جراحات اليوم الواحد الحى السادس مدينة نصر القاهره. الكشف العادى 300 جنية والمستعجل600 جنية. المستعجل بتخلص كل حاجة فى أسبوع. اما العادى فبيكون الميعاد حسب قائمة الإنتظار... لو مش مستعجل أ‘مل عادى وهتكون فى ظرف شهر مثلا لان الطلب على سيارات المعاقين لم يعد مثل الأول للشروط الجديدة الخاصة بفك الحظر
هو بس فى شك شوية أن حضرتك هيقبل طلبك لان الإعاقة لابد أن لا تكون اقل من 35% كما اعرف... ( حالات البتر - شلل الاطفال أو شلل نصفى-- قصر فى احد القدمين باكثر من 10 سنتى - سقوط دائم بالقديمن نتيجة إصابة العصب).. على العموم قدم ومش هتخسر حاجة يمكن يكونوا اصبحوا اكثر مرونة أو الدكتور فى اللجنة يطلع طيب ومش معقد...............

رد: ممكن مساعدة لو سمحتم
 

تمام
وشاكر لافضال سعادتكم وشاكرين على المجهودا بس انا عندى ( سقوط دائم بالقديمن نتيجة إصابة العصب وضمور شديد فى عضلات القدم اليمنى) دا التقرير الى فى شهادة التاهيل المهنى طبعا دى معروفة فهل هينفع ولالا

واسف لو هطول على حضارتكم اية الاوراق المطلوبة فى التقديم للكمسيون الطبى
ولكم جزيل الشكر

رد: ممكن مساعدة لو سمحتم
 

6 صور وشهادة المؤهل وصورة البطاقة هتدخل على الخزنة تفع وهيديك ورقتين تملاهم وبعدين هتروح على شباك تانى تسلمه الورق والايصال وتكون معالك دوسيه بلاستيك وهييحددلك ميعاد العظام والنظر فى نفس اليوم لو انت كاشف مستعجل وكشف النظر فى جراحات اليوم الواحد ورا المجالس الطبية المتخصصة والعظام فى المجالس الطبية نفسها بس العظام بعد 20 يوم اوشهر لو مستعجل