استفسار بخصوص تخطى مؤشر rpm العلامة الحمراء
 

السلام عليكم ورحمه الله
الموضوع باين من العنوان:العربية فيرنا مانيوال
انا كنت ماشى على الاول وبعدين حصل موقف مكنش ينفع اهدى فية فشديت على الاخر وحرقت على الغيار اوى اوى لحد مأحدتش بالى انى قربت اوصل للاعلامة الحمرا فى عداد rpm يعنى تعديت 6.5 ودخلت فى 7000 لفة فى الدقيقة المهم انا الموضوع كان مجرد ثانية او ثانيتين يعنى مجرد ما وصل للاحمر اللى فى العداد قعد ثانية او اتنين بس مش اكتر من كدة وجبت تانى على طول
اللى حصل بقى اول ما لمس العلامة الحمرا لقيت العربية زى ما يكون هدت سنة لوحدها وفى لحظة جبت التانى
بعدها مشيت حوالى 10 كيلو مهدى السرعة خالص العداد لا يتعدى 2.5 واقل طبعا خفت جدا واللى قلقنى انى العربية زى ريحت سرعتها لحظة وصولها للعلامة الحمرا اللى فى العداد
بعد ما مشيت 10 كيلو تقريبا هادى جدا ابتديت اشد سنة سنة وطلعت بالعربية اول سريع واتانى وثالوبشد عادى بيها لحد 4000 لفة فى الدقيقة وبتجيب معايا عادى ومفهاش اى حاجة الاحظها اختلفت
سؤالى هل كدة حصل حاجة للمتور هل الوصول للمنطقة الحمراء فى العداد لمدة الثانية دى تؤثر على حاجة هل الماتور يقفش منى بعدين مثلا هل هيحضل اضرار بمعنى اصح للعلم انا مشيت بيها بعد الموضوع دا حوالى 15 كيلو منها هادى جدا ومنها سريع لحد سرعة 80 كيلو تقريبا ارجو الرد...

رد: استفسار بخصوص تخطى مؤشر rpm العلامة الحمراء
 

المواتير الأنجكشن فيها دايرة حمايه لما توصل للريد زون تقطع بنزين عن الرشاشات فالموتور ينزل لعدد لفات اقل ومع الدوس يرجع تانى والحركه دى اسمها تفصيل

متخفش مفيش منها اى مشكله الا إذا عملتها عمال على بطال

رد: استفسار بخصوص تخطى مؤشر rpm العلامة الحمراء
 

:018A1D~146::018A1D~146:

رد: استفسار بخصوص تخطى مؤشر rpm العلامة الحمراء
 

:14FEAD~151::14FEAD~151:

رد: استفسار بخصوص تخطى مؤشر rpm العلامة الحمراء
 

فعلا دا اللى حصل معايا مجرد ما لمس الشرطة الحمرا حسيت العربية فصلت ورجعت تانى بس مفصلتش ماتور لاة فصلت اسبراتير حوالى ثانية ورجعت فى ثوانى بعدها جبت تانى وللعلم انا عرفت انها وصلت فوق 6.5 لما حسيت انها فصلت.. بصيت على العداد وطبعا د كلة فى لحظات انا خرجت رحت الشغل انهاردة بيها ولسة راجع اهه والعربية عادى الحمد لله ربنا يطمنك لانى انا كنت خايف جدا من الموضوع شكرا لك