طلب نصيحة
 

السلام عليكم ورحمة الله وبركاته
انا جديدة فى المنتدى وبطلب نصيحة منكم ياريت تفيدونى
اولا انا عايزة اجيب عربية بس محتارة اجيب المستعمل ولا الجديد قسط
المستعمل خايفة اجيبه علشان مش كل شوية اروح عند ميكانيكى وادخل فى الدوامة بتاعت المستعمل
والقسط برضه باله طويل بس فى نفس الوقت العربية هتكون جديدة ومش هحط ايدى فيها الا بعد فترة كبيرة لانها لسة جديدة
فانا محتارة عامة انا معايا فى حدود 20000 جنيه هل يا ترى رايكم اجيب مستعمل بيهم ولا ادفعهم مقدمة لعربية جديدة
ولو هجيب مستعمل او جديد ايه نوع العربية الاحسن اللى ممكن اجيبها بالمبلغ ده
مستنية ارائكم وميرسى ليكم مقدما

رد: طلب نصيحة
 

نصيحة اخوية
اولا
شيلى من دماغك موضوع المستعمل والميكانيكى ده لان اى عربية مهما كانت جديدة لو مهملة واستعملها سئ هاتبقى زبون ميكانيكى
ثانيا
انتى لسه بتتعلمى -- فاتتعلمى على حاجة رخيصة ولا تتعلمى بالغالى ؟
ثالثا
مبلغ الى معاكى لو ادفع مقدم هايبقى قليل اوى والقسط عالى ومش هاتجيبى حاجة كويسة برضه ومدة القصط طويلة موت
اخيرا بقى
انتى عاوزة تسوقى ليييييييييييييييييه ؟ هى الدنيا ناقصة زحمة ولا ناقصة سواقة الحريم ( انا بهزر اكييييييييييييييييييد )
كل الى فات يخلينى اقلك نصيحة بجد

هاتى فيات 128 موديل اول التسعينات والاهم انك تكشفى على العربية الاول حتة حتة لدرجة انك تدفعى للصنايعية اجرتهم بالميات المهم انك تكشفى على العربية حتة حتة وتعرفى ايه حالتها بالظبط

العربية ناعمة وصغننة وحريمى شويه تمشى معاكى برضه وقطع غيارها ارخص من صوباع الروج واى نقاش يقدر يصلحها

ده راى المتواضع

وانا لسه عند راى بلاشششششششش تسوقى والنبى وخلى اخوكى او جوزك او حتى والدك او حتى تاجرى عربية بسواق بس بلاش تسوقى والنبى احسن انتم عقدتونى فى عيشتى فى الشوارع والسواقة

رد: طلب نصيحة
 

ميرسى على رد حضرتك

بس انا مش بحب 128 بصراحة فى ناس قالوا سوزوكى ماروتى مش عارفة لسة ربنا يسهل باذن الله وشكرا مرة تانية على الرد

رد: طلب نصيحة
 

على فكرة الـ 128 احسن من الماروتى بزمااااااان..

لان الماروتى دى 3 سلندر و 800 cc وصغيرة جدا ..


حضرتك ممكن تدورى على الناس اللى بتقسط المستعمل وتشوفيلك عربية فى حدود 35 الف مثلا وتدفعى اللى معاكى وتقسط الباقى وتركبى عربية حديثة وحلوة ...

وللاسف اى عربية ب20 الف هتبقى قديمة ولازم تصليح مستمر ..

رد: طلب نصيحة
 

شكرا لحضرتك على الرد