مصر موتورز مجتمع السيارات - رخصة العربية منتهية بقالها 3 سنين و عاوز اجددها

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - رخصة العربية منتهية بقالها 3 سنين و عاوز اجددها (https://www.masrmotors.com/vb/showthread.php?t=119187)

رخصة العربية منتهية بقالها 3 سنين و عاوز اجددها

مساء الخير..

أنا معايا فيات 128 .. رخصتها المفروض انها انتهت في 2010
يعني رخصتها منتهية بقالها 3 سنين ... و عاوز أجددها
يا تري هعرف اجددها ولا مش هعرف
و لو هعرف يبقي المفروض اعمل ايه بالتفصيل و المصاريف تقريبا كام
و لو مش هعرف يبقي ايه العمل

شكرا مقدما

رد: رخصة العربية منتهية بقالها 3 سنين و عاوز اجددها

انا جددت رخصة عربية اخويا من كام يوم وكانت منتهيه من سنه وطلبت تجديدها 3 سنين فاتحسبت السنة اللي فاتت من الجديد وده عمل فرق في الفحص يعني تجديد الرخصه كمان سنتين والفحص كمان تلاته ... اعتقد حضرتك لما تجدد هاتدفع قيمة تجديد التلاته اللي فاتوا ومدة التجديد الجديده اللي انت عايزها

اجراءات التجديد ... تجيب شهادة مخالفات من نيابة المرور اللي انت تابع ليها وتشتري نماذج الفحص ونماذج التجديد وصورة البطاقه وملف وتعمل الفحص وطفايه الحريق تكون سليمه وتروح على شباك التجديد هايراجعوا الورق وتقولك تكلفة التجديد وتروح تدفع في الخزينه وترجع للشباك بعد الدفع تديها الايصالات وتستنى استلام الرخصه ...

التكاليف مش عارف على حسب سعة موتورالعربيه ... وبالتوفيق
.
.