عاوز محلات قطع غيار السوزوكى جيمنى
 

اخويا اشترى عربية سوزوكى جيمنى موديل 2008 .. وكان عايز يغير المراية الشمال .. عاوز أعرف المحلات اللى بتشتغل فى السوزوكى وخصوصاً الجيمنى عشان دى نادرة شوية ..
يا ريت لو فى حد من الاخوة الكرام اعضاء المنتدى الجميل ده لو يعرف محلات قطع غيار السوزوكى يقولنا .. سواء جديد أو استيراد ..

وشكراً جزيلاً

رد: عاوز محلات قطع غيار السوزوكى جيمنى
 

اية يا جماعة ... كل دى مشاهدات .. ومفيش ولا رد واحد ...
يا مسهل يا رب
:drnk:

رد: عاوز محلات قطع غيار السوزوكى جيمنى
 

استاذنا الكريم ياريت لو تديني معلومات عن العربيه دي انا عاجبانى وبدور على واحده من فتره ومش عارف ألاقيها اتمنى لو ترد وتقولى جبتها بكام وعملت ايه في موضوع قطع الغيار

رد: عاوز محلات قطع غيار السوزوكى جيمنى
 

أسف على التأخير لانشغالى الفترة اللى فاتت دى ... بالنسبة لعربية اخويا السوزوكى جيمنى هى العربية كويسة وجميلة وفيها مميزات كتير .. بس فيها برضو بعض العيوب اللى مش عاجبانى .. وطبعا دى أذواق ... ممكن اللى مايعجبنيش انا .. ممكن يعجب حضرتك .. أو العكس ..
بالنسبة للعربية هى .. 1300 سى سى واعتقد انها 85 حصان .. وبالنسبة للدفع هى فيها زرار فى التابلوه ممكن تخليها دفع رباعى أو جر أمامى عادى ... وطبعا جميع الكماليات والفيتيس اوتوماتيك ..

المميزات :
- صغيرة تقدر تسلك بيها فى اى مكان خصوصاً فى الاماكن المزدحمة - سريعة - الموتور بالنسبة لحجمها مناسب تماماً - عملية تماما .

العيوب :
- لا تصلح لعائلة .. ومش بتاعت سفر كتير .. طبعا تسافر عادى مفيش مشكلة .. بس هى مصممة اكتر للاستخدام داخل المدن وفى الاماكن المزدحمة .
- ندرة قطع الغيار خارج التوكيل ... قطع الغيار موجودة فى التوكيل وطبعا غالية جدا ... على سبيل المثال اخويا كان بيدور على مراية شمال لاقاها فى التوكيل بـ 1100 جنيه ( مراية كهرباء طبعا) ماعرفش السعر ده بالضريبة ولا من غير .. وبدون مصنعية تركيب ...
- الشنطة الخلفية صغيرة جداً ... يدوبك تاخد شنطة سفر واحدة بس متوسطة الحجم .

غير كده العربية كويسة جدا وتصلح لشاب أو فتاة أو المتزوجين حديثاً .. يعنى لسه بدون اطفال .

وبالنسبة للسعر .. ممكن تلاقى موديل 2008 جميع الكماليات اوتوماتيك لو العداد قليل .. تعمل من 58000 لغاية 65000 حسب الحالة

واهلا وسهلا بحضرتك فى اى استفسار