تقريري الاسبوعي 3 عن لوجي 2013 بعد 1270كيلو..
السلام عليكم يا لوجاناويه يارب تكونوا بخير يارب نبدأ بسم الله النهارده يعتبرالنص التاني من الاسبوع الرابع من استلامي ل "لوجي" 2013 ولغاية امبارح انا عامل 1270كيلو تقريبا الحمد لله "الحب ولع في الدره :D " http://store1.up-00.com/Sep12/T8K04009.jpg الاداء ماشاء الله بيحلو يوم عن التاني السحب بقي ممتع من غير تكييف ال 100 بتيج بسهوله دلوقتي غير الاول استهلاك البنزين في المتوسط مبين 8 و12 حسب طبيعة الطريق والعفشه والارتفاع بتاع العربيه مجمد قلب الواحد جداا عالمطباات التكييف تلاجه بس بصراحه السحب مع التكييف مازال زباااله جداا يعني وانا عالتاني مثلا احس ان العربيه عالرابع جايز بعد زيارة للتوكيل وتظبيط الضغط يتظبط شويه السحب بالنسبه للون الابيض شديد فعلا ومميز بس مقرف في تنضيفه لما تغسل العربيه وتلمح نقطه سوده في العربيه بتعكننك جداا :D الموتور صوته حلو مش عالي ومش واطي بس تحس في صوته بقوة الاداء شويه (وسعت مني؟؟) بس بجد ده اللي حاسه :D للاسف دواسة البنزين علقت معايا مرتين بسبب الفرش اللي عملته للعربيه الموضوع مالوش اي علاقه بالميكانيكا الدواسه بتاعة البنزين المفروض تحتيها زي جيب كده بيبات فيه الدواسه السروجيه للاسف مبيحطوش في دماغهم وبيقفلوا المكان ده وبالتالي الدواسه بتتزنق وكارز ادماير نصحني اني ازيت كام حاجه كده ان شاء الله ناوي اعملهم عشان مبركبش العربيه كتير دلوقتي عايز اعمل زياره للتوكيل اظبط كام حاجه: 1- الفوج الشمال فاصل 2- كاوتش المساحات ناشف من التخزين تقريبا ومبيمسحش الميه كويس عايز اغيرهم 3-ارجلش الهاند بريك عشان مش بتمسك جامد 4-النيكل بتاع الشبكه مطفي شويه من التخزين وحعمل محاوله اني اغيره في الضمان (يارب اعرف) 5- حجيب باركينج سينسور من بره وللاسف حركبه في التوكيل ب350 جنيه عشان ضمان الكهرباء طبعا كل المشاكل المذكوره مالهاش اي علاقه باداء العربيه او انه يعطلها او اي حاجه ولحد دلوقتي بانصح اي حد بيفكر يجيب عربيه في الفئه السعريه دي انه من غير ميفكر يجيب اللوجان :fun_36_3_9[1]::fun_36_3_9[1]::fun_36_3_9[1]: |
رد: تقريري الاسبوعي 3 عن لوجي 2013 بعد 1270كيلو..
شكرا على التقرير ... فعلا اللوجان عربية جامدة بالنسبة الفئه السعرية دى ... والف مبرووك
:0832F7~168: MADDRIVE :THE_PR~18: |
رد: تقريري الاسبوعي 3 عن لوجي 2013 بعد 1270كيلو..
العفو يباشا الله يبارك فيك:Wkiss5:
|
رد: تقريري الاسبوعي 3 عن لوجي 2013 بعد 1270كيلو..
شكرا يابشمهندس على التقرير الجااااااااااااااااااامد
عقبال تقرير ال 100 الف كيلو ان شاء الله |
رد: تقريري الاسبوعي 3 عن لوجي 2013 بعد 1270كيلو..
اقتباس:
|
الساعة الآن 09:56 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017