|
لسه بتنقص ايه الحكاية ؟
السلام عليكم ورحمة الله وبركاته المية بتنقص بشكل غريب ، مع اني غيرت القربة وكان فيها شرخ من فوق ولما المشكلة فضلت زي ماهي غيرت الطرومبة بعدها وقلت يامسهل اخيرا المشكلة هاتتحل ، بس للاسف لسه زي ماهي وكل يومين تلاتة ازود المية تاني ، بتقل بتاع 3سم في فترة 3 أيام تقريبا .. ياريت تشوروا علي لو في حاجة اعملها عشان اخلص من الصداع دا ، وجزاكم الله خيرا |
رد: لسه بتنقص ايه الحكاية ؟
والله يااخلى انا كل يوم بزود نص لتر
ياريت حد يقولنا نعمل ايه فى الموضوع ده |
رد: لسه بتنقص ايه الحكاية ؟
بص يا باشا
هو أنا الموضوع عندى تقريباً زيك بالضبط, برضه المياه لازم أتابعها يومياً و برضه بتقل بسرعه و لازم أفضل أزودها كل يومين تلاته. مش فاضى لها اليومين دول. أنا إللى أعرفه, دورة التبريد المائى دائرة مغلقه, يعنى المفروض مفيش تسريب و لا بخر من أى حته المفروض نراجع على الخراطيم و الكوليهات بتاعة الربط لازم نحرق شويه عليها و نتأكد من سلامة غطاء القربه و الريدلتير و طبب المياه غللى فى جسم الموتور. أنا حطيت قبل كده لفتين تافلون (بتاع السباكه) على كل الأماكن إللى بيركب فيها الخراطيم (قبل تركيبها طبعاً علشان أعرف أكبس الخراطيم و أحرق على الأفيز بتاعها) لأن المياه كانت واكله المواسير الحديد.(معلش المستعمل ياما فيه بلاوى) |
رد: لسه بتنقص ايه الحكاية ؟
كل دا كلام جميل بس لازم يكون في تحديد للاسباب يعني واحد اتنين تلاتة وفي انتظار المزيد من الردود وبإذن الله نستفيد كلنا
|
رد: لسه بتنقص ايه الحكاية ؟
بص هو لو مفيش تسريب واضح زيى مثلا تلاقى ميه تحت العربية بعد ركنة طويلة او و هى دايرة تكتشف مصدر التسريب
يبقى تشك فى الحاجات الغير نمطية زيى سربنتينة السخن اللى فى التابلوه وش السيلندر شرخ فى البلوك بس وش السيلند او شرخ فى البلوك حيطلعوا دخنة بيضة جامد لازم تتاكد الاول ان مفيش تسريب او نشع ظاهرى باين و العربية دايرة |
| الساعة الآن 08:49 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017