المشاركة الأصلية كتبت بواسطة fire333works (المشاركة 135228)

السلام عليكم ورحمة الله و بركاته

يا استاذ سيف 1000 شكر على مجهود حضرتك فى المنتدى و بجد إنت من الناس اللى خلوا الإستفسار عن طريق النت شىء ليه وزنه

المهم يا فندم عندى سيارة سوزكى سويفت سيدان((مكيفة_زجاج كهربا))موديل 1997 ((أوراق العربية بإسمى)) عاوز أبدلها بلانسر كريستالة وأنا موظف دخلى صافى 4000 بس برده الشركة بتاعتى رافضة تطلعلى مفردات مرتب أنا ممكن أدفع 1500 قسط و تكون عربيتى القديمة((السويفت)) هى المقدم

ضمانتى : العربية بإسمى((السويفت))_ عندى شقة تمليك بإسمى برده ((بس لسه بعقدها الإبتدائى فاضل ليها قسط واحد وتخلص )) و معايا طبعا كل الأوراق اللى تثبت ده

فحضرتك قولى إيه المطلوب منى عشان أمشى فى إجراءات التبديل

و أنا هتابع على الموقع مع حضرتك كل يوم لحد ما ألاقى ردك بإذن الله

المشاركة الأصلية كتبت بواسطة fire333works (المشاركة 135299)

السلام عليكم ورحمة الله وبركاته

شكرا يا أ/سيف على ردك السريع ...و إجابة سؤال حضرتك أيوة أنا من القاهرة ((الجيزة_الهرم))
طب بالنسبة لعربيتى لو ربنا قدر ..حضرتك اللى هتتولى موضوع بيعها و لا انا ..

يا فندم مشكلتى إنى مليش حيل خالص فى فصال البيع والشرا ده يعنى يوم ما إشتريت السويفت كنت ببدل برده بعربية قديمة ((فيات 128))روحت معرض مستعمل عجبتنى السويفت ((كان معايا الميكانكى و السمكرى بتاعى))فبدلت و دفعت الفرق

اللى يهمنى سهولة الإجراءات و مش مهم تسعير عربيتى الحالى كام لأنى واثق إنك هتحطلى متوسط سعر السوق سواء بيع أو شراء

وشكرا مرة أخرى