|
حكايتى مع القرصان أحمدكار وباقى القراصنه !
بدأ الموضوع باعلان لآحمدكار على صفحات المنتدى عن المقابله الشهريه لآعضاء المنتدى هذا الشهر !
و كالعاده تم وضع ميعاد على أنه سيكون يوم جمعه بعد الظهر فى كافيتريا الربوه ! و كالعاده برده قله من الآعضاء وافقوا على الميعاد و الآكثريه لآ خليها الجمعه اللى بعدها و البعض الآخر الجمعه اللى بعد بعدها و البعض أخدها تريقه و دليل على ان العرب عموما والشعب المصرى خاصه ما يعرفوش يتفقوا على ميعاد و بالتالى موش ح نعرف نحرر فلسطين ! ptmnlo123per1106 دا ايه الخيال الواسع ده ! حتة مقابله تدخل فى سياسه و كلابوش ! و الآخ أحمدكار بدهاء يحسد عليه ! قال فى مشاركه ان المقابله دى معموله علشان د/ بولبولان ( العبدلله الضعيف) ! و حيث أنى أرفض أن أكون سببا لآختلاف الآعضاء أو علشان البعض ممكن يقول ( و ده حقه ) ايه يعنى بولبولان ! فأنا قلت كده كده أنا سأكون فى الربوه يوم الجمعه ( بصفه خاصه ) واللى عاوز يشرفنى المشاريب على حسابى ! على اعتبار ان المقابله دى موش هيه المقابله الشهريه للآعضاء ( و ربنا ما يقطع لكم عاده ) ! ptmnlo123per1147 قام كبير القراصنه فى آخر لحظه اعتذر هوه كمان عن يوم الجمعه لآنه مطلوب بالاسم ليقود زفة فرح فى زفتى ! ( تقولشى شوماخر ح يزف العروسين ! ) ؟؟ عموما اتصل بى تليفونيآ و الميعاد ( بينى و بينه فقط ) يوم الخميس بعد صلاة المغرب ! و بعد صلاة المغرب سألونى أهل منزلى الى أين أنت ذاهب ( حيث أنا راجل بيتى و لا أتحرك الا لمشاوير ) فقلت لهم مقابله مع أعضاء مصر موتورز و تعرفت عليهم من على النت ! ptmnlo123per154 فأصيبوا بانزعاج شديد و قالوا لى اوعى تكون حكاية نصب و عارفين ان فى جيبك فلوس أو قلت لهم انك عاوز سياره ! ptmnlo123per144 فضحكت طبعآ وقلت لهم للآ دول واضح ناس محترمين و أنا راجل كبير أعرف أقدر الناس و أعرف طبعآ أحمى نفسى ! ptmnlo123per111 ( كنت طبعآ لسه ما شوفتش سومو علشان أقول الكلام ده ) ! يتبع !! Dr. Bolbolan ptmnlo123per1127 |
رد: حكايتى مع القرصان أحمدكار وباقى القراصنه !
انت شوفت سومو يا دكتور ، لا إله إلا الله
بس إيه رأيك سكرة ، أوعي تكون زعلته أكيد مازعلتوش طالما كتبت الموضوع |
رد: حكايتى مع القرصان أحمدكار وباقى القراصنه !
اقتباس:
بجد همووووووووووووووت من الضحك ماتشوفش وحش يا دكترة . |
رد: حكايتى مع القرصان أحمدكار وباقى القراصنه !
هو ده الكلام احنا قولنا مافيش غير الدكتور هو اللى هايظبطن الموضوع ده و يكتبه بطريقه رائعه و جميله زى دى
الله عليك يا دكتور و حلو حكايه يتبع دى هههههههه بس خلى بالك لحسن تسافر اسكندريه بدون تكمله ساعتها احنا كده هانتعلق بس بجد انا اتشرفت جدا جدا بمعرفه حضرتك يا دكتور و يارب يديم علينا جميعا المحبه يارب |
رد: حكايتى مع القرصان أحمدكار وباقى القراصنه !
موش عاوز أحرق الموضوع ! بس سومو أخف دم فى القعده و شال القعده كلها !
شوفتوا قوته ! الله أكبر !ptmnlo123per122 Dr. Bolbolan ptmnlo123per1127 |
| الساعة الآن 03:51 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017