|
الفوطه الزفره ؟
عايز أعرف كيفية عمل الفوطه الزفره ! يعنى فوطه قديمه من المنزل أم فانله قديمه ؟ ( نوعية القماش ) !
و كيفية تحويلها الى فوطه زفره ! وهل هى صالحه لبودى السياره و الزجاج أم البودى فقط ! كمان شامبو غسيل السياره لو فيه اسم ماركه محدد ( مش تقولو لى فى كارفور ) ! أيضا عندى مكنسه شحن خاصة بداخل السياره لكن بطاريتها باظت و مش لاقيها ! والمكنسه ماركة Rowenta لو حد عنده معلومه أين تباع البطاريه أو توكيل Rowenta يبقى كتر خيركم ! Dr. Bolbolan :HAPPY_~211: |
رد: الفوطه الزفره ؟
انا سمعت يا دكتور ان الفوطة الزفرة غلط بس كان الكلام ده علي عربيتي انا لان لون عربيتي ابيض وقالولي ان الفوطة الزفرة ديه بتصفر اللون الابيض وبتبوظه وتخلي لون العربية يبوظ وانا عامل فوطة خاصة بنظافة العربية فقط
وانا بسمع ان الفوطة الزفرة ديه بيبقي داخل فيها زيوت وتراب وبلاوي زرقة وبتبوظ الزجاج علشان التراب اللي بيبقي فيها بيجرح في الزجاج وبالنسبة لموضوع المكنسة ده انا قلبي معاك بس انتا ممكن تحاول تعرف هيه توكيل مين في مصر وتتصل بالدليل وتعرف عنوانهم وتروحلهم |
رد: الفوطه الزفره ؟
على حسب معلوماتى والله اعلم الفوطة الزفرة عبارة عن قطعة قماش قطن زى ماتكون فانلة او فوطة بتتغطس فى زيت موتور لفترة وبتتشال منه من غير ماتتعصر وتتحط فى الشمس لحد ماتنشف خالص وبتستخدم فى الصاج فقط واهميتها بتلم التراب وبتلمع الصاج شوية وبس |
رد: الفوطه الزفره ؟
بأمانة يا جماعة و طبعاً مع أحترامى و تقديرى لجميع الأراء فأنا غير مقتنع بالفوطة الزفرة و لا بفوايدها أطلاقاً فهى مثلاً أذا وضعت فى صندوق السيارة سوف تنبعث منها رائحة الزيت و التى ستكون قريبة من رائحة الجاز و التى تلتصق بالسيارة لمدة طويلة بعد أجراء عملية النظافة بها كما أنها سوف تكون مبعث للخطر لأنها قابلة للأشتعال لما تحتوية من مواد بترولية.
|
رد: الفوطه الزفره ؟
منصحكش بيها يا دكتور لانها بتشيل طبقت الشمع اللى على دهان العربيه
دى متستخدمش غير مع العربيات اللى رشه خوارج عشان هيه كده كده مرشوشه مش بوهيه المصنع ولو على الطريقه انا بعملها كده بجيب فوطه قطن وشوية شحم صغيرين واوزعهم على ايدى كانه كريم يعنى وامسح ايدى فى الفوطه جامد لحد ما الفوطه كلها يبقا عليه اثر الشحم وبعدين بغرقها جاز واسبها تنشف اسبوع بس بعيد عن الشمس بس |
| الساعة الآن 05:58 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017