التجمع لسفاري الاول لمصر موتورز--وادي الحيتان -- ممكن
 

رد: التجمع لسفاري الاول لمصر موتورز--وادي الريان -- ممكن
 

حبه صور للتشويق
http://img10.imageshack.us/img10/8266/20krf4w.jpg

http://upload.al3malka.com/download.php?img=13428

رد: التجمع لسفاري الاول لمصر موتورز--وادي الحيتان -- ممكن
 

دخول الصحرا محتاج اجهزة جى بى اس متطورة وناس محترفة فى التعامل معاها لان غالبا خرايط الصحارى المصرية مش مكتملة على الاجهزة دى والاجهزة اللى بتتعامل مع 3 اقمار صناعية اعتقد مش للاستخدام الفردى
وبالتالى يعنى لازم واحد من العرب للاحتياط يكون معاك ويدلك فى حالة عدم استخدام الجهاز بصورة صحيحة
ثم ان العربيات ال 4 * 4 لو مكانش فيها فتيس غرز مش هتنفع غير على المدقات
المعمولة لشركات البترول
لكن ميغركش شكل ال 4 *4 وضخامتها بدون فتيس غرز وعدم خبرة اللى طالع فى الرحلة لطبيعة الارض من نظرة واحدة ليها ممكن كل شوية يغرز ودى عربية ضخمة هتعذبك انت واللى معاك على م تطلع
اعتقد ان المطلوب مش عربية 4*4 فقط بل وبها فتيس غرز كمان
ثانيا الكلام ده مكلف جدا
لانك لازم تاخد اكل وشرب وجهاز طهى لان موضوع انك تلم خشب من المرمى فى الصحرا وتولع نار مش كتير هيحسنو استخدامه لان توليع النار نفسه ليه طريقة
يعنى لازم تشوف اتجاه الريح وتجيب كام قالب طوب كبار (يفضل أخذهم من القاهرة وانت ماشى )علشان تعمل احاطة للنار بحيث تعرف تطبخ عليها
وملابس تقيلة جدا لان الجو فى الصحرا تلج اليومين دول
وناس عندها استعداد ومتخافش لان الصور اللى ان ناشرها دى صور حيوانات ميته ومعنى كده انك محتاج بندقية خرطوش ونظام نوبة حراسة لان المكان اللى انت مختاره واضح ان فيه حيوانات مفترسة
وخيام طبعا
بالاضافة الى الفائدة المادية
يعنى تاخد معاك كام جوز حمام صاحيين يمكن تصطاد كام صقر تيجى تبيعهم هنا الواحد ب70 الف جنيه
لان اليومين دول موسم صيد الصقور والسمان
طبعا بالاضافة الى كمية وقود محترمة تكفى السيارة وانا شخصيا كنت بملا تنك العربية بنزين على آخره حوالى 45 لتر غير الاحتياطى
وباخد جركنين كبار فيهم حوالى 40 لتر بنزين 92 غير ان عربيتى فيها تنك غاز يادوب كان بيمشينى 250 كيلو وانا راجع القاهرة بكون خلصت كل ده وبمون من جديد وكنت غالبا بقضى يوم واحد .....بخرج من بيتنا بعد صلاة الفجر وبرجع بيتنا على اذان الفجر تانى يوم (24 ساعة فقط )
فالموضوع مش هيصة و دخول الصحرا محتاج حسابات
وربنا يوفقك ولما ترجعو بالسلامة ابقى احكى لى حصل ايه فى موضوع ادب الرحلات وادى الرابط بتاعه
http://http://www.masrmotors.com/vb/showthread.php?t=19177

موضوع ادب الرحلات فى قسم الاستراحة
رحلة سعيدة

رد: التجمع لسفاري الاول لمصر موتورز--وادي الحيتان -- ممكن
 

والله هى فكره جميله جدا وانا كتير اوى فكرت فيها وتبئى سفارى وصيد لانى من محبى الصيد بس كانت المشكله اللى بتحبطنى دايما التكاليف والسياره الدفع الرباعى لان طبعا تكاليف الرحله هتكون عاليه الى حد كبير وعربيتى كلاسيك ما تصلحش للصحرا . بس انا بتمنى وعندى أمل لما اجيب 4*4 ان شاء الله لان الرحله دى فعلا متــــــــعه . وبالتوفيق

رد: التجمع لسفاري الاول لمصر موتورز--وادي الحيتان -- ممكن
 

للمرة الالف مش عربية 4*4 وبس وانما لااااااااااااااازم يكون فيها 2 فتيس تحسبالدخول طريق رملى تماما يعنى مفيهوش مدقات لان المدقات دى عبارة عن طرق معمولة بطوب ابيض بتاع الرصف ده بلا رصف لانها معمولة للتريللات اللى شغالة مع شركات البترول وبالتالى هتلاقى المدق آخره اما بوابة شركة بترول او محجر وفى الحالتين هيمنعوك من تكملة الطريق وبالتالى ملكش حل غير الدخول وسط الرمال والالتفاف حول هذه البوابات (انا طبعا بتكلم على الصحراء الغربية اللى انا دخلتها)
وحتى السير على هذه المدقات محتاج حنكة لان فى الشتا يكون المطرغزير والارض بتشرب مياه الأمطار والتريللات بتدوس عليها وهيا طرية فتلاقى نفسك فوجئت بحفرة عمقها حوالى نص متر او اكتر وعرضها حوالى متر يعنى لو م اخدتش بالك ممكن ينكسر المقص او الشكمان زى م حصل معايا
والدخول وسط الرمال معناه لابد من وجود 2 فتيس لاضخامة الكاوتش ولا الدفع الرباعى هينفعو لان فى بعض المناطق ...الرمل ممكن يغطى تلت الكاوتش
ممكن ال 4*4 تمشى شوية فى بعض الاماكن اللتى تغرز فيها السيارات العادية لكن الصحراء الغربية انا شبعت مقالب فيها وركبت سيارة ب2 فتيس اخترقت الرمال بسرعة 150 كيلو ماشاء الله تويوتا دوبل كابينة كانت مع مهرب مخدرات اكتشفنى وانا سيارتى عطلانة داخل الصحراء (منطقة منخفض القطارة )
وكتر خيره اخدنى لميكانيكى فى مدينة الحمام ومشى وسابنى
انا معايا نيسان صنى 2008 ومن كتر دخول الصحرا اصبحت موديل 1930
ههههههههههههههههههههههههه ه