العربية بتفصل لوحدها وانا مشغل التكييف ..افيدونى من فضلكم !!
العربية " لوجان 2012 " مالتى فانكشن بقالها معايا حوالى 9 شهور وعاملة 5000 كم تقريبا فصلت منى كذا مرة وانا سايق لما بعمل غيار عكسى بمعنى لو مثلا جايب الرابع ثم دخلت على مطب بمور واجيب التانى اجى ادوس بنزين الاقى العربية فصلت تماما " يعنى مفيش باور خالص اضطر ادورها تانى .. المهم روحت التوكيل " وقولتلهم الكلام ده وبعد كده وانا بستلم العربية قالوا ان الشحن بتاع التكييف كان عالى وهما وظبطوه وكمان كان فيه حاجة اسمها باين " ايدلار " عاوزة تتنضف " انا بصراحة مليش فى الميكانيكا خالص المهم استلمت العربية وبعد حوالى 200 كم بس عملت نفس الحركة تانى وكذا مرة ..
انا بصراحة مش عارف الموضوع ليه علاقة بالتكييف ولا فيه حاجة تانية خصوصا ان معظم " ان لم يكن كل المرات " اللى حصل فيها الحركة دى كان التكييف شغال . افيدونى من فضلكم قبل ما اروح التوكيل تانى |
رد: العربية بتفصل لوحدها وانا مشغل التكييف ..افيدونى من فضلكم !!
اولا شحن التكييف ملوش علاقة بالنسبة للصمام اسمة ايدل دا صمام لحساس الاوكسجين وظيفتة انة لما تدور العربية الصبح بيعلى rpm ويخلية على 1000 تقريبا او 900 وينزل تدريجى لما العربية تسخن ولما بيبوظ تلاقى العربية الصبح وانت بتورها الماتور يرعش جامد ويرج ويفصل او حتى لو فصل لازم قبلها العربية ترج
مشكلتك لازم تحلها مع التوكيل واكيد هى مشكلة بسيطة لانك لما بتفصل بدور عادى وتطلع بيها صح كلامى ولا بتواجهة مشكلة ومبتدوررش من اول مرة .....؟ |
رد: العربية بتفصل لوحدها وانا مشغل التكييف ..افيدونى من فضلكم !!
أنا معرفش كتير من ميكانيكا اللوجان بصراحة .. لكن هفيدك باللي اعرفه
في حاجة اسمها الموبينة في العربيات القديمة أو الاسبراتير في العربيات الجديدة ده متحكم في الكهربا و بيتظبط في التوكيل الوصف للحالة اللي كانت عندي في التيريوس و لما ظبطت الاسبراتير راحت كالتالي : و انا ماشي على 120 و اهدي لمطب فجأة العربية تبطل و اضطر ادورها و انا ماشي تاني يا رب اكون قدرت افيدك:CHUBBY~36: |
رد: العربية بتفصل لوحدها وانا مشغل التكييف ..افيدونى من فضلكم !!
اقتباس:
بحيث يعملولك أيدل ليرننج idle learning بحيث وحدة التحكم تظبط سرعة السلانسيه وخصوصا مع تواجد حمل كمبروسور التكييف |
رد: العربية بتفصل لوحدها وانا مشغل التكييف ..افيدونى من فضلكم !!
اقتباس:
وشكرا جزيلا للافادة |
الساعة الآن 03:54 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017