رجرجه شديدة جدا بالدريكسيون على السرعات والحل
توجد رجرجه شديدة جدا بالدريكسيون بداية من سرعة 80 وانت طالع
1- عملت ترصيص عجل - ومفيش نتيجة 2 - عملت للكاوتش كروس يعنى بدلت الامامى يمين بقى خلفى شمال ، الامامى شمال بقى خلفى يمين - مفيش نتيجة 3 - روحت اربط عفشة - العفشجى قالى زى الفل مافيهاش حاجة ونصحنى اروح اكشف على الطنابير 4 - بس انا زهقت ومشيت بيها كدة 5 - وبعدين قلت اظبط زوايا روحت اظبط زوايا بالكمبيوتر - لقيت الحل ( الفردة اليمين فيها لوحة للداخل وهى الوحيدة التى تقرأ الزوايا بالسالب وهى دى الى عاملة مشكلة الرجرجرة بتاع الزوايا شدها وظبطها بالزرجينة على الكمبيوتر وبقت تمام ) فقلت انقل التجربة السيارة : كيا ريو 2004 اتوماتيك عاملة تقريبا 100000 كيلو والحمد لله بقت تمام |
رد: رجرجه شديدة جدا بالدريكسيون على السرعات والحل
شكرااا على النصيحة دى لان انا بردو بيحصل معايا نفس الحركة دى و يا ريت تقولى ضبطها فين علشان انا لسه جديد يعنى
|
رد: رجرجه شديدة جدا بالدريكسيون على السرعات والحل
السلام عليكم
اخى العزيز انا ساكن فى الاميرية - وانا ظبطها عند واحد بتاع كاوتش فى شارع بورسعيد عند تقاطع شارع السواح اسمة كاوتش ابو العلا ارجو ان اكون افادتك وشكرا |
رد: رجرجه شديدة جدا بالدريكسيون على السرعات والحل
شكرا جدا و جزاك الله خيرا على نقلك للتجربة لتعم عظيم الفائدة:GROWIN~12:
|
رد: رجرجه شديدة جدا بالدريكسيون على السرعات والحل
الحمد الله انك لقيت الحل والمشكلة انتهت وشكرا لافادتك لينا فى المنتدى
|
الساعة الآن 09:50 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017