مصر موتورز مجتمع السيارات - رائحة شياط غريبة فى الجيتز(رجاء المساعدة)

مصر موتورز مجتمع السيارات (https://www.masrmotors.com/vb/index.php)

- Hyundai-i Family (https://www.masrmotors.com/vb/forumdisplay.php?f=197)

- - رائحة شياط غريبة فى الجيتز(رجاء المساعدة) (https://www.masrmotors.com/vb/showthread.php?t=98210)

رائحة شياط غريبة فى الجيتز(رجاء المساعدة)

السلام عليكم و رحمة الله و بركاته
بعد ما مشيت مشوار طويل جدا بسيارتى الحبيبة (جى جى )
شميت ريحة شياط وحشة جدا و انا بركن السيارة بصعوبة فى زحمة شارع القصر العينى
نزلت و انا خايفة يكون حاجة اتحرقت فى الكبوت
وحضر اخ كريم و دورر السيارة و ملا الردياتير مياه شرب عادية
و تركتها مركونة ساعات
وبعدين سقت السيارة تانى
هل السيارة الزيرو موديل 2011
ولم تمشى سوى 4000 ك فقط و داخل مدينة 6 أكتوبر الرايقة
تحتاج لتزويد مياه
اللانوس عاشت معايا 3 سنوات و كانت زيرو و لم اضع بها نقطة مياه
و رائحة الشياط دى من كتر النقل على اسطوانة الدبرياج و لا ايه

ارجوكم نفسى افهم
لان بحب الجيتز (جى جى ) جدا اكتر من اى سيارة اخرى
ومش عاوزة اضرها
شكر وتقديرشكر وتقديرشكر وتقدير

رد: رائحة شياط غريبة فى الجيتز(رجاء المساعدة)

اولا كان المفروض حضرتك تشوفى !!!
1 مدى سخونة العجل عشان ممكن تكون عجله قافشه التيل بتاعها عامل ريحة الشياط دى ؟؟؟
2 العربيه كانت بتسحب كويس ولا كانت تقيله فى المشى ؟؟؟
3 حضرتك كنتى بتدوسى دبرياج كتيييير ؟؟؟
4 امبير الحراره كان على كام ؟؟؟
5 سيور المحرك ظروفها ايه ؟؟؟
6 هل تم اللعب فى كهرباة العربيه عند كهربائى لاضافة انوار ؟؟؟
عشان كنا نقدر نحدد المشكله فين تحديدااا؟؟؟

رد: رائحة شياط غريبة فى الجيتز(رجاء المساعدة)

اقتباس:

المشاركة الأصلية كتبت بواسطة محمدصلاح القاضى (المشاركة 763676)

اولا كان المفروض تشوفى !!!
1 مدى سخونة العجل عشان ممكن تكون عجله قافشه التيل بتاعها عامل ريحة الشياط دى ؟؟؟
2 العربيه كانت بتسحب كويس ولا كانت تقيله فى المشى ؟؟؟
3 حضرتك كنتى بتدوسى دبرياج كتيييير ؟؟؟
4 امبير الحراره كان على كام ؟؟؟
5 سيور المحرك ظروفها ايه ؟؟؟
6 هل تم اللعب فى كهرباة العربيه عند كهربائى لاضافة انوار ؟؟؟
عشان كنا نقدر نحدد المشكله فين تحديدااا؟؟؟

اولا اشكرك جدا على سرعة الرد
وبعدين ده الموضوع كبير بقه
انا كل اللى اعرفه اسوق للمشوار و بس وربنا بيسترها
علشان كده أفضل الزيرو و تقعد سنتين او تلاته و كتر خيرها
كل الاسئلة دى للاسف سامحنى أجهل الاجابة عنها
بس ممكن اقول انى دوست دبرياج كتير من الزحمة و الطريق على المحور واقف
بس عاوزة اعرف السيارة الزيرو عادى نزودها مياه
ومعلش انا مش عارفة اجاوب باقى الاسئلة سورى و الله
جزاك الله كل خير

رد: رائحة شياط غريبة فى الجيتز(رجاء المساعدة)

اقتباس:

المشاركة الأصلية كتبت بواسطة Eng/salwa (المشاركة 763691)

يبقى حضرتك حملتى على اسطوانه الدبرياج زياده حبتين
وياريت اما يكون فى زحمه مورى الفتيس لاطول وقت مع محاولة التقليل من الدبرياج
ومن ناحية تزويد المياه شوفى القربه لازم تكون المياه واصله فيها لعلامة ماكس (MAX ) ولو زياده نتيجة تزويد المياه جيبى سرنجه واشفطى منها لحد ماتوصل للعلامه
ولو ناقصه يبقى حضرتك لازم تشوفى المياه بتنقص ليه ؟؟
وعموما حصل خير

رد: رائحة شياط غريبة فى الجيتز(رجاء المساعدة)

ممكن بكون كيس بلاستيك لزق في الشكمان من تحت والشكمان ساخن

فابالتالي هيحصل ريحة شياط

لو مش كدة يبقي الفرامل