مصر موتورز مجتمع السيارات - رينو لوجان 2012 BLACK LINE حـــــــصـــــــــريــــا .. وكما وعدت , تقرير مفصل بالصور ....

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

رد: حـــــــصـــــــــريــــا .. وكما وعدت , تقرير مفصل عن رينو لوجان 2012 BLACK LINE بالصور ....

الف مبروك على الترخيص
واسمحولى اكون عضو جديد معاكم
انا ان شاء الله حستلم عربيتى بكره هى برده رينو لوجان 2012 BLACK LINE بس لونها فرانى ( ودى أوامر عليا ) .
دى أول عربية أركبها وانا حاسس انى ان شاء الله مش ححتاج أغيرها
بس ليا استفسارين :
الأول : ايه الحاجات اللى لازم اتأكد منها فى العربية وانا بستلمها .
الثانى : تكلفة الترخيص لمده سنه ( لأن العربية تقسيك وعليها حظر بيع )
ودعواتكم ان ربنا يباركلى فيها ويكفنى شرها

رد: حـــــــصـــــــــريــــا .. وكما وعدت , تقرير مفصل عن رينو لوجان 2012 BLACK LINE بالصور ....

اقتباس:

المشاركة الأصلية كتبت بواسطة Dr-Samir (المشاركة 521875)

ربنا يبارك فيها ويكفيك شرها

رد: حـــــــصـــــــــريــــا .. وكما وعدت , تقرير مفصل عن رينو لوجان 2012 BLACK LINE بالصور ....

مساء الخير، أنا لسه شارية سانديرو 2011 هاف أوبشن (هاتش باك لوجان) هي من جوه والموتور زي اللوجان بس الفكرة في الشكل نسيبني أكتر لأني مكنتش محتاجة شنطة كبيرة بس أنا عندي كام مشكلة:

أرجو معرفة طريقة إضافة مياه للرشاشات منين؟ هل ليها علاقة بالقربة؟؟

كمان المريات، أبويا متعود علي اللادا وغصب عنه من وإحنا بنرخصها كسرلي البلاستيك اللي يخليهم يقفولوا ويفتحوا بس وحدة فيهم أتخبطت وباظت خالص وبقيت مهزوزة...دي أكتر حاجة كرهاهة في العربية...لأن كل اللي معاه لوجان يلاحظ أن مارياته تصميمها غريب عن أي عربية
والتوكيل صلحها ودفعنا جامد ورجعت لوحدها زي الأول
هل حد يعرف ينفع تتركب مرايات شكلها عادي اللي في أي عربية تاني بمفصل من بره بدل السوست والدراع الناشف البلاستيك اللي بيتكسر ده؟

رد: حـــــــصـــــــــريــــا .. وكما وعدت , تقرير مفصل عن رينو لوجان 2012 BLACK LINE بالصور ....

اولا الف مبروك وربنا يديك خيرها ويكفيك شرها آآآآآآآآآآآآآآآآآمين
ثانيا سؤال سخيف شويه ........هي البلاك لاين زجاجها فاميه ولا ابيض وشكرا

رد: حـــــــصـــــــــريــــا .. وكما وعدت , تقرير مفصل عن رينو لوجان 2012 BLACK LINE بالصور ....

اقتباس:

المشاركة الأصلية كتبت بواسطة sheko fun (المشاركة 517792)

الحمد لله يارجالة روحت عملت التسجيل فى التوكيل وكتبولى الشفرة وإشتغل الراديو والكاسيت تمام الحمد لله .

وكمان روحت رخصت العربية الحمد لله ( رخصت 3 سنين ) . وهحكلكم بالتفصيل إللى حصل ....

أولاَ : أنا تبع مرور حلوان إللى موجود فى ( 15 مايو المجاورة 34 ) روحت هناك ورخصتها 3 سنين وكلفتنى بالظبط ( 1328 جنية ) علماَ بإنى روحت لوحدى الحمد لله من غير مندوب ولا يحزنون .

أول مروحت المرور قالولى إركن العربية جوة المرور عشان الفحص ورفع البصمة .

وبعد ما دخلت قالولى هات ورق الفحص من الخزنة ب ( 25 جنية ) عبارة عن 3 أوراق وورقة صغيرة حمراء للطفاية والمثلث , وكمان إشتريت دوسية فيه ورق للفحص أيضاَ ب ( 7 جنية ) .

وبعد كدة الراجل خد البصمة والمهندس فحص العربية وقاللى إركنها برة بعد مخلص فحص .

وبعد كدة دخلت جوة دفعت تأمين إجبارى ب ( 320 جنية ) .

وجبت الطفاية ب ( 121 جنية ) والمثلث ب ( 30 جنية ) .

وبعد كدة صورت البطاقة صورتين وروحت على شباك البيانات أسلمه الدوسيه بجميع الأوراق عشان يخلصهالى , قاللى روح إدفع الضريبة وهات إستمارتين للوح العربية ودمغة أمر صرف .

روحت الخزنة ودفعت بالظبط ( 815 جنية ) ثمن الضريبة واللوح وكمان الإستمارتين والدمغة .

وروحت للراجل بتاع شباك البيانات تانى أخد كل البيانات من البطاقة وقاللى إستنى لما أندهلك .

إستنيت حوالى ربع ساعة وبعدها قالى إتفضل روح لشباك إستلام الرخصة .

والحمد لله إستلمت رخصة العربية وبعدها روحت لشباك اللوحات وخد اللوحات الحمد لله وهية إسمها غريب طبعاَ ( ع ف س ) ههههههههههههه .

خرجت برة بعد كدة لقيت شاب تبعهم ومعاه شنيور قلتله عايز أركب النمر, فراح معايا وركب النمر الحمد لله وخد (10 جنية ) .

وروحت بعد كدة الحمد لله وأنا معلق النمر الجديدة , و عقبال كل إللى لسة مركبوش النمر .

يبقى المجموع كله على بعضه :

1 - ( 25 جنية ) ــــــــــــــــــ ورق فحص .

2 - ( 7 جنية ) ــــــــــــــــــــ دوسيه به أوراق للترخيص .

3 - ( 320 جنية ) ــــــــــــــــــ تأمين إجبارى .

4 - ( 151 جنية ) ـــــــــــــــــــ طفاية ومثلث .

4 - ( 815 جنية ) ــــــــــــــــ ضريبة العربية واللوحات .

بس فى ملحوظة صغيرة لحظتها وأنا فى المرور والمهندس بيفحص العربية .

لقيت البطارية بتاعت العربية مش زى بتاعت الموديلات السابقة .

كانت فى الموديلات السابقة ماركتها ( Tudor )

لكن أنا لقيت البطارية ماركتها حاجة تانية إسمها ( Flamm ) وجبتلكم صورتها :

http://image.beyluxe.com/pictures/f0...6d6a8a9350.jpg

والحمد لله عملت بنصيحتكم وظبط الساعة .

ولكن لغاية دلوقتى مش عارف أستخدم رشاشات المساحات ( علماَ بإنى لقيت المكان إللى حضراتكم قولتولى عليه تحت الزجاج الأمامى على الشمال ولقيتها مليانة مياه حمراء . لكن مش عارف هل هية دى وللا لأ . وياريبت تقولولى بعد إذن حضراتكم أعمل إيه بالظبط عشان أستخدم رشاشات المساحات دى . ولكم جزيل الشـــــــــكــــــــــــ ــر .

شـــــــــــــــــــــكــ ـــــــــــــــــــــراَ

أولا ألف ألف مليون مبروك وربنا يكفيك شرها ويديك خيرها ان شاء الله
ثانيا , عايز تستخدم رشاشات المساحات العمليه بسيطه جدا كل اللى هتعمله هتشد دراع المساحات ناحيتك هتلاقي الرشاشات بترش وبعدين تشغل المساحه عادى او تشغل المساحه الاول وبعدين تاخد الدراع ناحيتك هتلاقيها بترش ميه على طول