مصر موتورز مجتمع السيارات - سخونه المحرك ... الاسباب و العلاج !!!

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - سخونه المحرك ... الاسباب و العلاج !!! (https://www.masrmotors.com/vb/showthread.php?t=15784)

سخونه المحرك ... الاسباب و العلاج !!!

اسباب سخونه المحرك :

1 - وش السليندر :
لما وش السليندر بيتكسر او بيحصل فيه شرخ بيدخل زيت العربيه علي البنزين و بيعملوا لون طحيني في مقياس الزيت ( الحل : تخرط وش السليندر او تجيب وش سليندر جديد )

2 - جوان وش السليندر :
غالبا لما وش السليندر بيحصل فيه مشكله الجوان بيسيح او بيحصل فيه شروخ و برضه بيبقي مقياس الزيت لونه طحيني للاسباب السابق ذكرها ( الحل : تخرط الجوان او تجيب جوان جديد )

3 - الريدياتير :
الريدياتير هو اساس عمليه تبريد المحرك و طبعا مع الحوادث الريدياتير بيتخرم فميه التبريد بتتسرب و بتسبب سخونه في المحرك نتيجه التسريب ( الحل : تغير الردياتير بأكمله او تلحمه لكنه حل مؤقت )

4 - غطا الريدياتير :
الغطا ده لما بيتكسر بيسبب خلل في عمليه التبريد فتزداد حراره المحرك نتيجه كسر الغطا ( الحل : تجيب واحد جديد و غالي و يفضل يكون اصلي )

5 - طلمبه الميه :
لما بيحصل خشونه في طلمبه الميه بيحصل خلل في عمليه التبريد نتيجه الخشونه اللي حصلت ( الحل : تغير طلمبه الميه )

6 - المروحه :
لما رفرف من المروحه يتكسر او المروحه تتعطل بأكملها بتزداد درجه حراره ميه التبريد فيزيد درجه حراره المحرك نتيجه لذلك ( الحل : تغيير المروحه )

7 - القربه :
عند حدوث الحوادث القربه بتتخرم و بتسرب ميه التبريد فبيحصل سخونه في درجه حراره المحرك نتيجه للتسريب ( الحل : تغيير القربه او لحامها و لكنه حل مؤقت )

8 -انابيب ميه التبريد :
في بعض الاحيان الانابيب دي بتتسد فبيحصل خلل في عمليه التبريد فبتزيد حراره المحرك نتيجه لانسداد تلك الانابيب ( الحل : تنظيف الانابيب )

طبعا نصيحتي استخدام ميه خضرا و تزودها من القربه ( بلاش لعب في غطا الريدياتير هههههههههه ) و طبعا تكون ميه اسباني مش مصري او سعودي ( جركن الميه الاسباني ب 35 جنيه مش حكايه ) و يا رب تكونوا استفادتوا من الموضوع ده

رد: سخونه المحرك ... الاسباب و العلاج !!!

موضوع جميل / بس ايه معني خشونه في طلمبه الميه

رد: سخونه المحرك ... الاسباب و العلاج !!!

اقتباس:

المشاركة الأصلية كتبت بواسطة pro mada (المشاركة 98420)

اسباب سخونه المحرك :

1 - وش السليندر :
لما وش السليندر بيتكسر او بيحصل فيه شرخ بيدخل زيت العربيه علي البنزين (مياه التبريد) و بيعملوا لون طحيني في مقياس الزيت ( الحل : تخرط وش السليندر او تجيب وش سليندر جديد )
وده من اهم اسبابه الشائعه انك تزود ميه للموتور و العربيه سخنه

2 - جوان وش السليندر :
غالبا لما وش السليندر بيحصل فيه مشكله الجوان بيسيح او بيحصل فيه شروخ و برضه بيبقي مقياس الزيت لونه طحيني للاسباب السابق ذكرها ( الحل : تخرط الجوان (الجوان لازم يتغير, مينفعش يتخرط) او تجيب جوان جديد )

3 - الريدياتير :
الريدياتير هو اساس عمليه تبريد المحرك و طبعا مع الحوادث الريدياتير بيتخرم فميه التبريد بتتسرب و بتسبب سخونه في المحرك نتيجه التسريب ( الحل : تغير الردياتير بأكمله او تلحمه لكنه حل مؤقت )
او ان ريش التبريد (الفينز) فى الردياتير بتكون اتنت فبتسد مجرى الهواء اللازم لتبريد الرديلتير

4 - غطا الريدياتير :
الغطا ده لما بيتكسر (او السيل بتاعه ينشف او يتقطع و ده بيكون عمر افتراضى او جوده قليله للمنتج او تعرض المحرك لسخونه عاليه فى وقت سابق) بيسبب خلل في عمليه التبريد فتزداد حراره المحرك نتيجه كسر الغطا ( الحل : تجيب واحد جديد و غالي و يفضل يكون اصلي )

5 - طلمبه الميه :
لما بيحصل خشونه في طلمبه الميه بيحصل خلل في عمليه التبريد نتيجه الخشونه اللي حصلت ( الحل : تغير طلمبه الميه )
تتلف مضخه المياه نتيجه عدم استعمال مانع صدأ مع مياه التبريد (يعنى استخدام مياه من الحنفيه مش ميه زرقاء او خضراْ او اياً كان لونها) او بسبب العمر الإفتراضى فهى جزئ ميكانيكى به احتكاك و يستهلك و يجب تغييره دورياً طبقاً لعمره الإفتراضى

6 - المروحه :
لما رفرف من المروحه يتكسر او المروحه تتعطل بأكملها بتزداد درجه حراره ميه التبريد فيزيد درجه حراره المحرك نتيجه لذلك ( الحل : تغيير المروحه )

7 - القربه :
عند حدوث الحوادث القربه بتتخرم و بتسرب ميه التبريد فبيحصل سخونه في درجه حراره المحرك نتيجه للتسريب ( الحل : تغيير القربه او لحامها و لكنه حل مؤقت )
او عند زياده درجه الحراره بشكل ملحوظ لمده او مدد طويله فإن قربه المياه يحدث بها تشققات

8 -انابيب ميه التبريد :
في بعض الاحيان الانابيب دي بتتسد فبيحصل خلل في عمليه التبريد فبتزيد حراره المحرك نتيجه لانسداد تلك الانابيب ( الحل : تنظيف الانابيب )

احب اضيف نقطه كمان مهمه و هى تلف الثرموستات لإنه مبيخليش مروحه التبريد تشتغل و بالتالى الميه بتسخن و مبتبردش الموتور
و كمان فى معظم السيارات الحديثه المروحه بتكون كهرباء و بالتالى اى مشكله فى كهرباء السياره او الفيوزات قد تؤثر على اداء دوره التبريد

طبعا نصيحتي استخدام ميه خضرا و تزودها من القربه ( بلاش لعب في غطا الريدياتير هههههههههه ) و طبعا تكون ميه اسباني مش مصري او سعودي ( جركن الميه الاسباني ب 35 جنيه مش حكايه ) و يا رب تكونوا استفادتوا من الموضوع ده

انا اسف جداً على المداخله بس اسمحلى بالتعديلات الى باللون الأخضر فوق

رد: سخونه المحرك ... الاسباب و العلاج !!!

أحب أضيف التالى لسخونة المحرك :-

1- عطل فى ثرموستات المروحه أو فيوزاتها ! لو كانت المروحه غير متصله بالمحرك بسير

وتعمل فقط عند درجة حراره معينه !

2- تآكل الشنابر أو جسم السلندر مما يسبب دخول الزيت الى غرفة الاحتراق واحتراقه مع

البنزين فينقص الزيت بصوره سريعه وتحدث السخونه بسبب نقص تزييت القطع المتحركه

فتزيد الحراره لزيادة الاحتكاك !

3- انسداد مجارى مياه التبريد فى جسم الموتور نفسه ( حول و بين السلندرات ) !

4-تشغيل الموتور على سرعات عاليه لمده طويله بدون حمل ( السياره واقفه ) لعدم

وجود هواء مندفع للتبريد من الشبكه الآماميه !

5- طلمبة الزيت أو فلتر الزيت بهم عطل ولا تتم دورة الزيت جيدآ !

6- عدم تصريف العادم بصوره جيده ( لعيب فى الشكمان ) يسبب ارتداد حرارى للموتور !

7- طريقة قياده سيئه ( كالسير لمده طويله ب RPM عالى على نقله صغيره ( الثانى مثلا)

وشكرآآآآآآآآآآآآآآ

ملحوظه : اللون الطحينى ممكن أن تجده فى الرادياتير أيضآ !

Dr. Bolbolan ptmnlo123per122

رد: سخونه المحرك ... الاسباب و العلاج !!!

اقتباس:

المشاركة الأصلية كتبت بواسطة m_o_sakr (المشاركة 98535)

انا اسف جداً على المداخله بس اسمحلى بالتعديلات الى باللون الأخضر فوق

و اسمحلي اقولك باللون الاخضر برضه
تعديلات سليمه و بكده يكون موضوعي متكامل