|
الحمد لله اخيراااا استلمت السانديروا
طبعا يا جماعه قبل كل حاجه الحمد لله لان فعلا الواحد مش عارف ربنا ليه حكمه فى كل شى انا كنت المفروض استلم العربيه يوم 26/1/2011 بس من غير ورق والورق كان بعدها باسبوع بس الحمد لله فضلت استنى الورق قبل مستلم وده من فضل ربنا لان انا ساكن فى وش حى المنتزه فى اسكندريه ومش عاوز اقولقم الى حصل عندنا فى يوم 28 و 29 عربيات الحى بالكامل ادمرت بالاضافه ان الحى كله ولع ووجود عربيه من غير نمر فى الظروف دى معنها انها كانت ضايعه ضايعه
المهم مش حطول عليكم العربيه تحفه وبجد عفشه وسحب ممتاز الملاحظه الوحيده لحد دلوقتى بس ان الكاسيت سعات السى دى بيقطع فى المطبات وخصوصا عين القطه واحيانا بيهنج مش عارف ده عيب الكاست ولا السى دى |
رد: الحمد لله اخيراااا استلمت السانديروا
السلام عليكم ...مبروك عليك ي أ / احمد و ربنا يكرمك و يكفيك شرها و يعطيك خيرها باذن الله
بالنسبة لل cd معلوماتي ان اي سي دي اوديو لازم بيعمل كده في الخبطات و المطبات و عشان كده كان ال سي دي المحمول لمل نزل موضه كان بينزل احيانا ب نظام G-SHOCK عشان الصوت ميحصلوش حاجة مع الصدمات و الله اعلم |
رد: الحمد لله اخيراااا استلمت السانديروا
الف مبروك ربنا يهبك خيرها ويكفيك شرها ... والحمد لله انك مستعجلتش فعلاً كل تأخيره وفيها خيرة
بالنسبة لموضوع السى دى ده طبيعى لحد كبير لان عدسة القرايه بتاعة السى دى بتبقى حساسة جداً لاى اهتزاز وهى بتقراء من على الاسطوانة بس برضو لما تروح الصيانة الجاية خليهم يراجعو على تثبيت الكاسيت كويس وفى انتظار تقريرك الكامل وانتطباعاتك عن العربيه ان شاء الله |
رد: الحمد لله اخيراااا استلمت السانديروا
الف مبروك على العربية و ياريت تقرير عن العربية بالصور
|
رد: الحمد لله اخيراااا استلمت السانديروا
الف الف مبروك ربنا يباركلك فيها ويديك خيرها ويكفيك شرها وابقى بلغ بموضوع السى دى فى اول صيانة ان شاء الله وبسيطة زى ما ابونورا قالك
|
| الساعة الآن 04:31 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017