|
مقارنة وعايز خبرتكم فيها ورايكم الشخصى كمان
السلام عليكم ورحمة الله وبركاته
ازيكم يا احلى اعضاء منورين المنتدى كنت عايز اخد رايكم فى حاجة سريعة هو ان عمى عايز يشترى عربية جديدة هو صحفى فى الجمهورية فعايز عربية شكلها شيك وتكون واسعة وشكلها شبابى لانه صغير مش كبير فى السن بس تنفع عائلية كمان يعنى واسعة من جوة وتشيل وكمان من برة شكلها شيك وحلوة وفخمة وتكون اعتمادية وتستحمل السفر لانه بيسافر كتير وكمان تستحمل المشواير الكتير لانه على طول خارج ويكون سعر اعادة بيعها حلو وتتباع بسرعة وكمان يكون توكيلها محترم كويس ويكون قطع غيارها رخيصة ومتوافرة وتكون استهلاكية جدا فى البنزين وتكون مانيوال المهم استقرينا على اربع موديلات ( النترا - سيراتو - صنى - اوبترا ) الصنى جميلة وكل حاجة بس المانيوال بتاعتها وحشة يعنى كل الناس بتشكر فى السوبر صالون بس وديه غالية عن الرنج بتاع عمى وكمان بصراحة حرام تعدى ال 100 فى صنى اوبترا جميلة وشيك واعتمادية وحلوة بس وكتير اوى شكروا فيها بس كتير بيقول عليها تكنولوجيا قديمة لانها عبارة عن تحديث النوبيرا السيراتو تحفة بكل المقاييس بس عيبها ان الموديل الاول منها مانيوال تعبان يعنى هتشترى بالسعر ده شكل بس النترا بصراحة كل الناس بتشكر فيها باستثناء بس الثبات فياترى راي اهل الخبرة فى المنتدى ايه وياترى فى حاجة فى نفس الرنج ده تكون احلى من دول؟ |
رد: مقارنة وعايز خبرتكم فيها ورايكم الشخصى كمان
واللة انا حقولك رايى بس فية ناس كتير حتعارضنى
بالنسبة لاختيارتكم اعتقد ان احسنهم عن تجربة الصنى لو عايز عربية واسعة وتستحمل وعفشة تمام تيوتا افانزا بس الملفات على الهادى |
رد: مقارنة وعايز خبرتكم فيها ورايكم الشخصى كمان
انا بصراحة قرأت مقارنة بين كل العربيات دى ورشحوا فى الاخر كيا سيراتو
|
رد: مقارنة وعايز خبرتكم فيها ورايكم الشخصى كمان
اقتباس:
يعنى حضرتك اشمعنا الصنى الى رشحتها ؟؟ طيب هى التويوتا افانزا بكام ؟ |
رد: مقارنة وعايز خبرتكم فيها ورايكم الشخصى كمان
اقتباس:
طيب ابعتلى المقارنة ديه اقراها انا كمان بعد اذن جضرتك |
| الساعة الآن 02:37 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017