|
فك الفتيس..اصلاح عيوب حل الجيربوكس
السلام عليكم
اتوجه بالشكر الى الساده الاعضاء فى المنتدى والاستاذ المشرف على سرعة الرد على الموضوعات محل الاهتمام ونظرا لما تعلمته فى هذا المنتدى وهذا بحق فكان الواجب عمل الموضوع الاتى ذكره... الجيربوكس وحله... باختصار شديد لعدم الاطالة طبعا المشكلة كانت فى الغيارالثالث لا ياتى والمارشدير بينط او بينطر الى وضع الموراو رجلى مش على البنزين فكان المطلوب اصلاح العيوب وبالتالى حل الجيربوكس او الفتيس........حل الفتيس صعب من السيارة لان مكانه ضيق ........اولا البدء برفع البطارية ثم الردياتير ثم المارش ثم حل العجلة اليسرى والحل الكوبلن من القاعدة (ذات الثلاثة مسامير ) من مجموعة نقل الحركة بعد حل المساعد والميزان ثم القنطرة ثم حل عصا الفتيس ثم حل واخراج الفتيس من الحوض وطبعا الموضوع مزعج جدا لانى كنت مشارك فى الحل والتركيب بنفسى .....الحمد لله خرج الفتيس وبدأت عملية الفك للفتيس و حل مجموعة تروس نقل الحركة من الدبرياج (الديسك والاسطوانة) فك مسامير من ناحية الديرياج ثم المفاجئة هنا اولا ترس المارشيدير مترم الاجزاء الاولى من السنه ولذلك كان ينطر الغيار وترس الغيارالثالث الفولة مكسورة ..... مرحلة القطع الغيار اشتريت ترس الغيار الثالث وترس المارشيدير والفولة ب130جنيه وكنت بفكهم من جيربوكس بنفسى من عزبة شلبى و3.5ك زيت فلفالينا ب 62 جنيه و3 جنيه للمساعد وطقم جوان ب 7 جنيه مرحلة التركيب تم التركيب طبعا انا شوفت الفتيس مفكوك قلت مش هيرجع تانى لانه فيه اجزاء صغيرة من تيل وسوست وهلايل والغوايش والتروس واعمدة الدرك المهم انى لما قولت للاسطى انت مش هتغسله قالى لا لان الطبقة الموجودة على التروس طبقة لزجة مطلوب انها موجودة وغلط غسيله بالجاز مثلا او البنزين ثم تركيب الجيربوكس مكانه مرة اخرى تركيب الاجزاء بالراجع بداء من الاسفل مرحلة التجربة كانت العصيا تعصلج (كان فى مصد)فى الغيار الاول عند التجربة الاولى ثم تم الضبط من اسفل وضبط الدبرياج وتم وضع الزيت والمياه .......... فى اليوم التالى روحت ازود زيت لاقيت ان الفتيس من القاعدة بتجيب زيت روحت اشتريت عدد 2 كوتشة القاعدة للكوبلن وتم التركيب ودفع مصناعية 40 جنيه.... خلاصة التجربة -ان عندء البدء فى العمل معرفة المصناعية -اسعار قطع الغيار لان ممكن كانت اوفر واشترى جير كامل لان اجرة الفك والتركيب فى جميع الحالات سواء فك لتركيب ترس او مجموعة تروس واحدة. واخيرا انصح بعدم فك الفتيس... حل القديم وهات جديد اذا توفر المال. واخير من الله التوفيق وشكرا لمنتدنا العظيم..............تحيات ى ----ارجو رفع صور للموضوع من يعرف موقع لرفع الصور ارجو تبليغى وشكرا |
رد: فك الفتيس.....ارجو التثبيت
مشكوووور على التقرير فعلا لازم تعرف المصنعية و اسعار قطع الغيار قبل الشغل
|
رد: فك الفتيس.....ارجو التثبيت
ان شاء الله الفتيس يشتغل تمام .... و مبروك عليك تصليحه
المفروض ان حضرتك تسأل الميكانيكى عن التكلفة التقريبية للتصليح او شراء فتيس استيراد علشان تستطيع تحدد قرارك انا مع قرار التصليح حتى النهاية ... و حضرتك الى ممكن تحدد ايه هى النهاية لأن تركيب فتيس استيراد مش مضمون ... يعنى من الممكن ظهور مشاكل فيه بعد فترة ... بس لو الفتيس القديم خلصان خالص ... او ملهوش قطع غيار .... فيكون تركيب واحد استيراد هو القرار الانسب و الميكانيكى مغسلش اجزاء الفتيس ؟؟؟!!!!! انا مش مقتنع بكلامه بتاتا |
رد: فك الفتيس.....ارجو التثبيت
اقتباس:
اولا اشكر السادة الاعضاء على الرد ثانيا معنى كلامك ان حتى الاستيراد ممكن يكون ايضا فيه عيوب يعنى التصرف الى انا عملته صحيح ولا ....ايه ام نتبع نظرية الى يتلف منه جزء غيره كله باستيراد افضل... |
رد: فك الفتيس.....ارجو التثبيت
موقع رفع صور مصرموتورز
www.masr1.com او اطلع فوق خالص فى بداية الصفحة هتلاقى لوجهات لعربيات نقل صغيرة العربيه الخضراء مكتوب عليها رفع http://www.masrmotors.com/images/Social-upload.png |
| الساعة الآن 09:38 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017