مصر موتورز مجتمع السيارات - طرمبة البنزين ..للابيزا 94 فقط ..

لملاك الابيزا 94 فقط ..

طرمبة البنزين ..

اولا الطرمبه بتاعت الابيزا مكانها ادام في الموتور مش ورا تحت العمه بالضبط

تاني حاجة الطرمبة دي ميكانيكا مش كهربا

تالت حاجة اعراض تلفها .. تقطيع .. تبقي ماشي العربية تقطع و تفصل تماما .. صعوبه في الدواره لو البنزين في العربية قليل ..

الحل حاجة من تلاته

يا اما طرمبة سوق اوروبي ( دي صيني بس نضيفه شوية) ب 280 عند فتح الباب

او طرمبة صيني فعلا من التوفيقة بحوالي 140 جنيه

او الحل الامثل .. طرمبة استيراد ..

و هو ده اللي عملته بعد ما استنفذت طرمبة البنزين الخاصة بعربيتي قدرتها علي العمل بعد 16 سنة خدمه

هي مازالت شغاله لكن بتقطع و العربية مش مظبوطه

هتقولولي استيراد ليه..

الطرمبة دي جواها رداخ و فيها قطع كاوتشوك كده لو الكاوتش ده مش معمول من خامة كويسه و نضيفه هتبوظ بسرعة جدا و انتوا عارفين الصيني اللي بينزل مصر جودته عامله ازاي !

ملحوظة :

الطرمبة الجديدة الاصلية الالماني اللي عليها ختم VAG و ان كانت نادرة جدا لكنها موجوده و مبتقلش عن 400 جنيه

و في حالة عدم العثور عليها هاتوا استيراد بتبقي اصليه اوريجينال نفس ماركة الكربراتير او نفس الشركة المصنعة و هي pier burg الالمانية اللي بتصنع طرمبات و كربراتيرات الفولكس و ده كان زمان طبعا و دلوقتي بوش متولية الانجكشن

-لو حد عربيته عطلت و شك في الطرمبة او كانت بتقطع او كده يفتح الكبوت و يشيل خرطوم البنزين اللي واخد من الطرمبة و رايح للكاربراتير و يدور لو حدفت بنزين يبقي سليمة لو محدفتش تبقي بتجيب اخرها او جابته فعلا او بطريقة اسهل الخرطوم اللي جنبه اللي رايح للفلتر يتفك و تتكرر نفس العملية

و ادي صور الطرمبة..

http://up5.up-images.com/up//uploads...9a28559bf4.jpg ..

و ادي صورة تانيه..

http://up5.up-images.com/up//uploads...7b2934cf71.jpg ..

شايفين عليها علامات فولكس و اودي .. دي زي بتاعت الفابريقة اللي العربية بتنزل بيها بالضبط ..

اتمني اكون افدتكوا