لادا روسى 98 & لادا مصرى 2007
السلام عليكم ورحمة الله ارجو افادتى فى حيرتى لاانها اول عربية اجبها واجهل تماما الشغل والعمرات والصنيعية انا كنت اشتريت سيارة لادا من اربع شهور بالظبط هى روسى موديل 98كل عام وانتم بخير اخوانى فى منتدانا الغالى ولله الامر من قبل ومن بعد اخدتها غالية بسب طمع السمامسرة اللى بيعملو كل شىء لانهاء البيعه وتدبيس الزبون مكشلتى انى اخدتها بسعر 24 الف جنية وطبعا بعد عشرة الابع شهور ظهر كل شىء السيارة ميكانيكا وعفشة الحمد لله كويسين المشكلة بقى ان العربية محتاجة اربع ابواب والرفارف الاتنين قدام كل واحد محتاج يتغير نص رفر للجنبين وطبعا انا رحت للسمكرى قلى العربية حتصرف الف جنية ابواب والف جنية مصنعية سمكرة لباقى العربية والبوهية حتكلف حوالى 1500 الف وخمسمية طبعا كدة والعربية فاضية خالص ولا جنوط ولا انزار ولا اى كماليات طبعا انا لو دخلت فى الموضوع دة انا كدة العربية حتكون سعرها فى حدود 28 الف جنية ويا عالم بقى الصنيعية حتطلع فى الاخر شكلها اية فى الوقت اللى انا شايف فية اسعار السوق اليومين دول الادا المصرى موديل 2007 و 2006 فى حدود 28 الف جنية واقل كمان اعمل اية نصيحة لوجة الله لانى محتار والموضوع دة شغلنى جدا واسف على الاطالة |
رد: لادا روسى 98 & لادا مصرى 2007
عادى متزعلش نفسك هو المستعمل كده
وياما ناس اتنصب عليهم فى اكتر من كده قول حسبى الله ونعم الوكيل اللهم اجرنى فى مصيبتى واخلفنى خيرا منها وربنا يعوضك خير |
رد: لادا روسى 98 & لادا مصرى 2007
موضوع شد العربيات بطل
النهردة بيع وكمل بفلوس الشد وهات حاجة ماسكة نفسها |
رد: لادا روسى 98 & لادا مصرى 2007
كل الناس بتبيع دلوقتى محدش بيشد القديم
احنا راكبين شوية عضم فى قفة على ماتفرج:fun_broken: خسارة قريبة أحسن من خسارة كتير أقرب مفيش احسن من الزيرو |
الساعة الآن 10:50 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017