و إبتد المشوار . . نسألكم الدعاء و النصيحة
 

السلام عليكم ورحمة الله و بركاته . . تحية طيبة لأعضاء المنتدى . . . وبعد
أنا توكلت على الله و ابتديت أشد في العربيىة الريجاتا بتاعتي و الموضوع بدأ لما بدأت تعوم معايا على التالت روحت أظبط زوايا الراجل قالي في شرخ في الحوض ( ربنا يحفظكم من الشروخ و بلاويها ) المهم روحت للسمكري قالي لازم أحل الموتور علشان أعمله مظبوط قلت مبدهاش طالما هيحل الموتور يبقى لازم أعمل الشر اللي لابد منه و هو شد العربية خصوصا إن العربية محتاجه سمكرة و دوكو و فيها بارومة جامدة في الدواسات ( تقدر تقول مفيش دواسات اصلا ) و بالمره أغير الطابلوه و أخليه سيينا لأن الريجاتا غالي و الريتمو غالي و مش موجود كمان ( مع الشكر لصاحب الفكرة العضو المحترم alaaelgazar ) و كهرباء و سروجي و اللاذي منه , انا حبيت أشارككم معايا يمكن حد يقولي أي أفكار أعملها بالمرة و العربية فاضية و بتتشد
دعواتكم و إقتراحاتكم و السلام ختام
صور المرحلة الأولى
http://www.4shared.com/folder/q60NX-qE/Regata_2013.html

رد: و إبتد المشوار . . نسألكم الدعاء و النصيحة
 

كل اللى اقدر اقولهولك ربنا يعينك
طالما بتحب عربيتك فان شاء الله حتبقى احلى عربية فى عينك و الريجاتا عن تجربة 5 سنين عربية اكثر من محترمة
نصيحتى ليك طالما كدا كدا فتحت متنساش تعمل التكييف لان تكيفها جميل

رد: و إبتد المشوار . . نسألكم الدعاء و النصيحة
 

ربنا يقويك عليها وبامر الله هاتطلع حلوة اوى
بس اهتم بعزل السيارة حماية من البارومة وكمان عشان تعزل الاصوات يبقى تعمل طبقة بيتومين وعليها عزل حرارى وعزل صوتى وبعدين الموكيت

رد: و إبتد المشوار . . نسألكم الدعاء و النصيحة
 

جزاكم الله خير و شكرا على النصيحة والإهتمام و لكن التكييف موجود بس الكومبروسر مش موجود تفتكر الموضوع يستاهل ؟؟

رد: و إبتد المشوار . . نسألكم الدعاء و النصيحة
 

شكرا يا باشا و جزاكم الله خيرا بس ممكن تفهمني موضوع العزل ده اكتر