مصر موتورز مجتمع السيارات - كمبروسر الهواء المحمول... إستفسار عن تجارب؟؟؟؟؟

مصر موتورز مجتمع السيارات (https://www.masrmotors.com/vb/index.php)

- إطارات السيارة (https://www.masrmotors.com/vb/forumdisplay.php?f=151)

- - كمبروسر الهواء المحمول... إستفسار عن تجارب؟؟؟؟؟ (https://www.masrmotors.com/vb/showthread.php?t=108054)

كمبروسر الهواء المحمول... إستفسار عن تجارب؟؟؟؟؟

السلام عليكم
الكاوتش عندى بيعاند, و مرتين ييجى يوم الأحد و ألاقيه نايم , أروح أزود عند المحل الوحيد إللى فاتح يوم الأحد , و أكتشف أنه نصاب, أول مرة طلعت من عنده بعد عمل 8 أخرام *10 جنية= 80 جنية + 20 جنية مصنعية (أول مرة أعرف إن الخرم بـ 10 جنية و لسه ليه مصنعيه)!!!
و تانى مرة قولتلوا حتى لو مخروم سيبة علشان مستعجل, راح مدبسنى فى 14 خرم. طبعاً عملتهم تانى يوم عند الصنايعى إللى بتعامل معاه.
و طبعاً مش مسامح عالكاوتش إللى باظ و الفلوس... حسبى الله فيه و فى ماله و صحته و أولاده.

ما علينا ..... قولت أنزل التوفيقية أشوف المنفاخ المحمول إللى بيقولوا عليه فى التليفزيون و قريت عنه فى بعض المواقع.
بيشتغل على الولاعة أو البطارية (12 فولت), و لو الموتور داير أثناء التوصيل بيكون سرعة الموتور أفضل و النفخ أسرع.
لاقيت من أول 40 جنية لحد 300 جنية.
و لاقيت منفاخ يدوى بـ 18 جنية.

سألت كذا واحد, قالولى كلهم صينى, و كلهم جواهم بالونه و بتفرقع بعد شوية.
و طبعاً اليدوى (بتاع القدم) مش قوى, يعنى أخرة ينفخ موتوسيكل, أو ينفخ عربية بس تكون رافع العربية على الكوريك, علشان ميكونش فيه ضغط على الكاوتش, و آخرة ضغط هوا 28/30 و بعد كده شكراً. و أكيد متعب جداً و بطئ.

هل فيه حد جاب منفاخ كمبروسر أو يدوى و جربة فترة و فعلاً راضى عنه.
ينصحنا بيه ,ربنا يباركله فيه و يبعد عن كاوتشاته الإخرام ... آمين.

ده العادى أبو 18 جنية (طبعاً سعرة على النت ؟؟؟؟ 39 جنية)
http://im34.gulfup.com/nuCUj.jpg

و دول بالترتيب من أول 40 لحد 250 (فيه صور لأنواع ملقتهاش عالنت بس موجودة فى التوفيقية, و أبو300 جنية مش موجود برضه عالنت)
http://im32.gulfup.com/Yt8YS.jpg

http://im33.gulfup.com/anPam.jpg

http://im35.gulfup.com/zI3ct.jpg

http://im34.gulfup.com/pjaRS.jpg

http://im33.gulfup.com/7mN6P.jpg

منتظرين رأى أصحاب التجربة, مع توضيح مزيد من المعلومات.
السعر و مكان الشراء والأداء و ......

رد: كمبروسر الهواء المحمول... إستفسار عن تجارب؟؟؟؟؟

مشكورين على الردود و الإيضاح
معلومات مفيدة و شيقة بجد
بس المعلومة الأخيرة كانت غامضة شوية يا ريت حد ييجى على نفسه و يشرحها بطريقة واضحة.
nonononononononononononon ononononononono

إضطريت أنزل التوفيقية تانى علشان أسأل بنفسى
فيه أنواع رخيصة مكتوب عليها خزعبلات, يعنى الكمبروسر أبو 40 جنية مكتوب عليه : Max 300 PSI
طبعاً ده لو جاب 30 يبقى كتر مليون خيره.
و معاك لحد 100 جنية , كل ده أونطه و مكتوب كلام فى الهواء
لاحظت أنهم كلهم الجسم بتاعهم (البودى الخارجى) بلاستيك و طبعاً جواهم البالونة.

فيه أنواع تانية الهيكل بتاعها معدن و غالباً ليها واقى للعداد من السلك الصلب.
و دى بيبقى جواها بساتم مش بالون, لاقيت واحد بستم بحوالى 150 جـ , و 2 بستم بحوالى 210 جـ. , و لا قيت اللى مكتوب على الواحد بستم : Max 100 PSI
و الـ 2 بستم : Max 120 PSI
و الإثنين رغم أن سعرهم أعلى مفيهومش كشاف و لا فلاشر و لا أى أوبشنز غير الكمبروسر.

و تانى مرة أشكركم على حسن تعاونكم معنا

رد: كمبروسر الهواء المحمول... إستفسار عن تجارب؟؟؟؟؟

اسأل على الوكيل بتاع الكمبريسورات دى فى التوفيقية هات كباس 2 بستم بيركب على البطارية بلاش اللى على الولاعه

محدش اخد باله من الموضوع ممكن يكون بسبب العنوان او بسبب انه متكرر قبل كدا كتير

المهم الكباس اللى بقولك علية ده واحد صاحبى جايبه ب 225 وحاول تجيب حاجة محمله بلاش الكباسات الخفيفة لأنها بتبوظ بسرعة

الكلام ده من عند الوكيل وبيبقى عليه ضمان سنة على الأقل

ربنا معاك

رد: كمبروسر الهواء المحمول... إستفسار عن تجارب؟؟؟؟؟

انا مجرب منفاخ تويوتا مش عارف بستم واحد ولا 2
بس رهيب يركب ع الولاعة و3 دقايق يكون مخلص
وبيقوم الفردة حتى لو ع الارض بس عيبه ان بيسخن سوكيت الولاعة ف تعملة سلكتين وتوصله ع البطارية

وابعد عن البالونة

رد: كمبروسر الهواء المحمول... إستفسار عن تجارب؟؟؟؟؟

أنا لسة مشترى الكمبروسر صاحب الصورة الأخيرة اللى لونه أصفر بـ 135 جنية (من بلدى المحله الكبرى) ..وصاحب المحل اللى اشتريت منه كان أمين معايا قال لى بكل وضوح ان الغرض من الكمبروسر ده هوه انه يملأ العجله للحد اللى يوصلك لأقرب واحد بيصلح كاوتش (اى للطوارئ ) مش علشان كل شويه تنزل وتنفخ العجل وتشيك على الضغط بيه ..لأ
وامبارح بس لاقيت العجله نايمة وكان ورايا مشوار مهم ومستعجل والحقيقة الكمبروسر ده عمل اللى علية ونفخت العجله لحد ضغط 25 ومشيت حوالى 4 كيلو متر وبعدين غيرت العجله عند بتاع الكاوتش علشان الخرم كان واسع شوية ..واعتقد ان فيه أحسن من كده بس ده مقنع جدا للطوارئ ..وله ميزة اخرى ان له شنطة كويسة للحماية..دى تجربتى الشخصية والأختيار فى الآخر لك:fun_36_3_16[1]: