|
جراند بونتو ب 87 الف ؟؟ محتاجه رأيكوا
معلش يا جماعه انا عارفه انى قرفتكوا بكمية الاسئله بس محتارين والله و ماعندناش اى خبره فى العربيات دلوقتى فى عربيه جراند بونتو معروضه علينا مواضفاتها جراند بونتو موديل 2010 - 30000 كم - اوتوماتيك - فابريكه بالكامل من الداخل و الخارج لا يوجد بها خدوش نهائيا - تكييف - فوج لايت - جنوط - ABS - تاره مالتى فانكشن - كاسيت CD ب 87 الف ج هل هى عربيه تستاهل الشراء و هل دا سعر مناسب ولا عالى و ايه السعر المناسب شكرا على سعة صدركم واوعوا تفتكروا انى خلصت لسه الاسئله الجايه كتييييير لان كل دا لأختى اما انا لسه هاشترى ان شاء الله على اخر السنه :D |
رد: جراند بونتو ب 87 الف ؟؟ محتاجه رأيكوا
السلام عليكم
انا شاري واحدة موديل 2010 نفس المواصفات من 10 شهور و كانت عاملة 75000 كم بسعر 76000 جنيه، فكدة يبقي السعر عالي شوية يعني لو 80 الي 83 الف جنيه يبقي كويس اوي |
رد: جراند بونتو ب 87 الف ؟؟ محتاجه رأيكوا
شكرا جزيلا ..........
|
رد: جراند بونتو ب 87 الف ؟؟ محتاجه رأيكوا
هل هيا اتوماتيك ولا استبترونك
ولو اتوماتك بس كويسه بس غاليه شويه واحد صاحبي لسه بايع 2011 ب80000 بس قطع غيارها غاليه ومفيش حد بيفهم فيها الا في التوكيل |
الجراند بونتو إما مانوال أو دوالوجيك و ده مانوال متأتمك و هو متطور جدا و آخر صيحة في عالم نواقل الحركة و فعال و آمن . قطع الغيار في التوكيل و بعض الناس في شارع دمشق و الهرم و الحرفيين و هي فعلا غالية بس معمرة و مش مضروبة و دي ميزة كبيرة و التوكيل أوماترا في المنطقة الصناعية جسر السويس و معقولين و دايما أتعامل معاهم و التوكيل أفضل من أي حد. هي صفقة رابحة و سيارة شيك و راقية و متطورة جدا جدا و أمان عالي جدا و تستاهل الفلوس لكن مش أكتر من 83 ألف نظرا لقلة المسافة المقطوعة 30 ألف بس و أي خدمة
|
| الساعة الآن 06:08 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017