|
سؤال عن عفشة الاكسيل الهاتش باك
كنت عايز اعرف يا جماعه ايه ظروف العفشة بتاعه الايكسل و بكام يعني و ايه ظروفها تستحمل قد ايه وكده يعني والأهم اعملها فين؟ ولكم جزيل الشكر
|
رد: سؤال عن عفشة الاكسيل الهاتش باك
السلام عليكم ورحمة الله وبركاته
انا معايا هيونداى اكسيل بس عادية مش هاتش باك بالنسبة لعفشتها انا شايف انها ناعمة وكويسة واسعارها بردو كويسة وافضل انك تعملها عند الميكانيكى بتاعك انا اما بغير فيها اى حاجة بعملها عند الميكانيكى ولو لازم عفشجى اللى يعملها بيبقى واحد تبعو انا لسة مغير طقم بيض وبارات ومساعدين امامى تقريبا من شهرين والقدام بقالهم يجى 3 سنين بس ايه انا اصلا الطرق عندى مكسرة وشغل مطبات طينية (اللى هيا تراب معا ميا تلاقيها عاملة زى الموج) وحفر وكدة واظن يعنى 3 سنين كويس اوى وانت ونصيبك ولو عايز الاسعار ممكن اجيبهم لك بس بكرة ان شاء الله ارجو ان اكون وضحت لك ولو معلومة بسيطة واسف على الاطالة |
رد: سؤال عن عفشة الاكسيل الهاتش باك
يا باشا الف الف شكر على تعبك و شكرا على المعلومة المفيده ويا ريت لو فيها تقاله مني شوية قولي الاسعار ربنا يباركلك
|
رد: سؤال عن عفشة الاكسيل الهاتش باك
السلام عليكم ورحمة الله وبركاته
اسف يا اخى على التاخير ولكن مشاكل فى الكمبيوتر بتاعى بالنسبة للاسعار أولا بالنسبة للمساعدين الامامى ب 475 الخلفى 150 ال k y b اليابانى ودة طبعا لو حضرتك من هواة الجرى لانها بتساعد على زيادة ثبات السيارة 140 و150 عادى وثباتها فل لكن العادى اقل من كدة بكتير بالنسبة للكبالن فى الالمانى فى حدود 350 الى400 واليابانى 275 الى 300 والكورى 225 الى 250 انا عن نفسى معايا اليابانى من سنتين ونصف بس طبعا مع الامركة والغرز والخمسات وبردو مع مطبات المنطقة اللى انا فيها ( انا اعرف واحد معاه BMW 316i موديل 95 تقريبا كل شهرين بيغير العفشة بتاعته عشان المطبات اللى فى المنطقةا ) وبقية العفشة بالنسبة للاكسيل مش مكلفة بس مش فاكر بالظبط واللهى العربية كويسة جدا من ناحية كل شى بس ياريت لو هتجيب يبقى تجيب 1500عشان التكييف بتاعها كويس وسحبها جامد وممكن تسد بيها مع لانوس 1 واسف على الاطالة وربنا يتمم لك على خير |
رد: سؤال عن عفشة الاكسيل الهاتش باك
شكرا جزيلا يا أحمد انا شاتريت الهاتش من واحد صاحبي بس انا داخل على سفر اليومين الجايين و كنت حاسس ان في شويه تخبيط في العفشة و لما سألت صاحبي على العفشة قاللي انه اخر مرة لعب فيها كان من اقل من سنة وكان بيغير جلد فيها و انا حاسس انها كويسه بس عايزة شويه تشحيم وتربيط و بالمرة كنت عايز اعرف اسعارها و بجد شكرا جدا على تعبك يا باشا بجد تسلم:HAPPY_~211::260309~1 46:
|
| الساعة الآن 06:58 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017