دليل صيانة ال 128
 

السلام عليكم

معلش يا جماعة هتقل عليكم

يا ريت واحد من المتخصصين ينشرلنا دليل صيانة ال 128
العربية دي مع ناس كتير و بتحصل فيها حاجات مفاجأة و المفروض نتعلم شوية في الميكانيكا بتاعتها

اكون شاكر جدا ليكم (و اكيد مش لوحدي)
في انتظار الجديد و الجديد منكم

رد: دليل صيانة ال 128
 

والله ما فاهم قصدك يا حبيبي
انت تقصد اي واحد معاه 128 وحصل بيها عطل يقول حلها الزاي وايه اللى غيره وبكام وكده ولا ايه قصدك بالظبط ptmnlo123per1127

رد: دليل صيانة ال 128
 

دا يكون حل كويس يا كابو

انا كنت اقصد ان لو حد فاهم في ال 128 كويس يقولنا نظبطها ازاي و ايه المشاكل المعتادة و نحلها ازاي
يعني زي ملزمة او مذكرة الواحد يشيلها معاه للطواريء

بس فكرتك برضو كويسة..اللي اتزنق في حاجة و حلها يعرف الباقيين علشان نتبادل الخبرات

يلا ابدأ انت بقي

رد: دليل صيانة ال 128
 

فى مشاكل كتير للـ 128 وخاصة للى لسة شارى جديد او مابيعرفش فى الصيانة قوىptmnlo123per155
انا معايا 128 وقعدت فى الأول فترة لحد ما اتعودت عليها ودلوقتى من صوتها او من سحبها او حتى اى تغيير فيها ممكن اعرف العيب ايه
انا على فكرة دكتور بس ايه اللى رماك ع المر .........
على العموم اهم اعطال فيها ممكن تكون حاجة من الاتى
1- تنسى تزود مياه كفاية وتمشى فى جو حار وتلاقى العربية بتسخن وتطلع دخان من الكبوت
ا-المياه مش كفاية : توقف الموتور وتستنى شوية 5-10 دقايق لحد ما الدخان يهدى والعربية تبرد شوية وتفتح غطاء الرادياتير بحرص شديد وانت ماسك الغطاء بأى عازل او فوطة وبعد كدة تقوم مدور العربية وتضيف مياه واقفل غطاء الرادياتير واتأكد ان القربة فيها مياه كفاية
ب-بص على المروحة و اتأكد انها بتدور كويس ممكن وصلاتها تكون مقطوعة
ج-الثرموستات ممكن يكون مش شغال كويس و الأحسن تغيره بواحد تانى مضبوط على 72 علشان المياه ما تتبخرش بسهولة وتقعد معاك بالأسابيع من غير ما تزود حاجة
د-لو الرادياتير حديد من الآخر اشترى واحد تانى نحاس
ه-اعمل مفتاح تقدر تشغل المروحة مانيوال
و-خللى معاك كذا فيوز زلط يمكن الفيوز يضرب وغيره بنفسك (تحت الدريكسيون هتلاقى علبة الفيوزات)
2-العربية مش بتسحب معاك زى الأول
ا-لو بترج جامد وانت بترفع رجلك من على الدبرياج : غير الاسطوانة
ب-لو بتنتش معاك وبتحتاج وقت طويل علشان تسخنها وما تنتش معاك : غير الابلاتين و الكوندينسر
3-فجأة تلاقى حاجة مش شغالة معاك
ا-الكلاكس و المروحة و الاستوبات : غير الفيوز التانى من على اليمين فى علبة الفيوزات
ب-اللمبات كلها : الفيوز الأول من اليمين
4-فجأة تلاقى صوت العربية بقى عامل زى الطيارة او الموتوسيكل وبقت ابطأ فى السحب
ا-اتأكد ان البوجيهات و اسلاكها متوصلة كويس وفى الغالب هتغير حاجة منها
ب-اتأكد ان الشكمان مش مخروم او محتاج يركب له جوان شكمان لأن كل الجوانات الموجودة فى السوق خامتها رديئة

والمرة الجاية نكملptmnlo123per1127

رد: دليل صيانة ال 128
 

بصوا يا جماعه بالنسبه لمحبي ال128 وعاوذ يجيب 128
اول حاجه وانا بنبه اهوووو علشان ارضي ضميري
اهم حاجه القائم يعني العربيه ماتكونش مغيره نصف خد معاك سمكري
لان النصف الامامي دائما لل128 بيكون متغيير وطبعا في عربيات تقفيبلها للنصف كويس وفي عربيات لقدر الله لو مطب صناعي واخده وانت مش واخد بالك
لقدر الله تلاقي العربيه جات نصفين
ptmnlo123per160 ptmnlo123per160 ptmnlo123per160 ptmnlo123per160 ptmnlo123per160
ثانيا الماتور
ماتور ال128 ماتور كويس بكل حلاته بمعني لو انت بتجيب 128 ولقيت صوت الماتور عالي لا تقلق فده امر طبيعي وعادي للعربيات كلها ؟ يعني هتكون محتاجه ايه غير ظبط الهوا او تغير طقم كهرباء (ابلتين - كندنسر - بيجوهات )

ثالثا تظبيط العربيه : بصوا من الاخر ال128 جامده بس لو تتظبط صح وعلى ما سمعت من العضو والاخ الفاضل Kofta خلال تبادل الكلام عبر الاميل وراني 128 في الاوتوكورس بماتور 2000 cc لو شوفتوا العربيه جامده جدا
وللاسف الفيديو اتمسح من عندي وانا اطالب العضو Kofta بعرض الفيديو اليكم
بس المشكله اللى بيتحكم في تظبيط اي عربيه الفلوس يارجاله ptmnlo123per1127

وبأذن الله اللى عاوذ يعرف اي مشكله بخصوص ال128 انا عنيا اليكم بما اني امتلكها وعندي خبره كبيره فيها
ولكن لا يمكن قول الكثير مني علشان انا مش في دماغي حاجه محدده هههههه وزي ماقولت

شعارنا هو
اسأل_استشير
ههه