مصر موتورز مجتمع السيارات - الحمد لله ربنا سترها

حصل لي موقف بسيط ولكن في غايه الاهميه كنت اسير بسيارتي النوبيرا اعلي كوبري 6 اكتوبر وفجاه وجدت لمبه اضيئت في التابلوه (مع العدادات وخلافه) المهم انا ما اعرفهاش لمبه ايه وانا من عادتي انظر دائما الي مؤشر الحراره ولكن هذه اللمبه شغلتني كثيرا وهي لونها اصفر في شمال العدادت من اسفل المهم فكرت اركن علي الكوبري ولكنني ترددت خوفا من ازدحام السيارات خلفي وفي نفس الوقت قلت ممكن العربيه متدورش معايا بعد ما اركن وتبقه حوسه المهم كنت قربت من نزله صلاح سالم وقلت اركن تحت احسن ودي كانت غلطه وقبل ان اخذ يميني بعد النزله لقيت العربيه بطلت لوحدها وشاهدت دخان خارج من الكبوت المهم زقيت العربيه وركنت وفتحت الكبوت ووجدت زيت موتور كثير من ناحيه جوان غطاء التكيهات قلت العربيه ممكن تكون قفشت وصبرت شويه لحد االعربيه ما هديت وفتحت قربه المياه ولم اجد نقطه مياه فيها قلت يانهار ابيض العربيه جابت وش سلندر ولا ايه دورت العربيه دارت والحمد لله وزودت مياه ووجدت العيب في الخرطوم ال خارج من عند الترموستات الي المانافول مقطوع المهم فكيت القفيز وقطعت الجزء البايظ وركبت الخرطوم والحمد لله كان في طول بسيط وظبط السياره وقلت لما اروح للمكانيكي واطمن علي العربيه وربنا يسترها . اسف للتطويل ولكن الشاهد من الموضوع انه رقم واحد لما تلاقي لمبه نورت في السياره اركن يمين علي طول وشوف ايه الحكايه ومتعملش زي ما انا عملت رقم2 لازم يكون معاك دائما عده ومياه في السياره لان الاغلبيه مننا مابيهتمش بموضوع المياه في السياره وممكن تكون في مكان مافهوش مياه زي ماحصل معايا . وبعدين رحت للمكانيكي والحمد لله طمني علي العربيه وقلي ربنا سترها بس عندك جوان غطاء التكيهات عابز يتغير وكمان ممكن نغير غطاء التاكيهات نفسه ونجيبه المونيوم بدل الموجود ( بلاستك) وكمان عرفت معلومه وهي لما وضعت المياه كان لازم اخذ هواء للقربه من الخرطوم الصغير ومره تانيه انا اسف للتطويل ولكنني اردت ان انقل لكم غلطه حتي ولوكانت بسيطه ولعل يكون فيها افاده للغير