اسفسار هام وعاجل عن النترا 2013
 

السلام عليكم ورحمة الله وبركاته
انا معاى النترا 2013 زيرواتوماتيك عاملة 22000كم وجميع الصيانات تم اجرائها فى التوكيل 1000/5000/10000/15000/20000 بس للاسف انا فى عندى مشكلتين
1-انا لما بقوم بالتحرك بالعربية وتحريك الفتيس من p الىd اوr واشيل رجلى من على الفرامل بأسمع صوت طقة فى الفتيس جاى من ناحية العصاية بتاعة الفتيس فياريت حد يفيدنى دى مشكلة فى العربية ولا ايه بالظبط وحلها اذاى.....؟
2-انا معبى الكاوتش نيتروجين وكنت فى التوكيل فى 1/12 وشدو على العفشة وخرجت بالعربية ومشيت ومكنتش حاسس بالحفلر والمطبات الصغيرة فى دركسيون العربية مع العلم بأنى قلت لهم الملحوظة دى وشدو على العفشة بس رجعت احس بيها تانى رحت اظبط الكاوتش ظبطه على 32 بس لسة بأحس بالحفر والمطبات الصغيرة فى دركسيون العربية وكأنها مش متربط على العفشة كويس فياترى دا اية ياريت حد يفيدنى لانى احترت ......؟
ياريت اى حد عنده نفس الموديل يفيدنى هل الحاجات دى عنده برضوا ولا لا واعمل ايه وشكراايه ياترىايه ياترى

رد: اسفسار هام وعاجل عن النترا 2013
 

مشكلتك 1 الطقه دية بتيجى فى حالة rpm مرتفع وتعشق الفتيس من p الى r او d وطبعا ممكن تيجى فى حالة انك تعشق وتمشى بسرعه مفاجئه وممكن تيجى لو فى عطل فى الفتيس وممكن تيجى لو فى حاجه فى العفشه .. ان شاء الله او حاجه تعملها تشغل العربيه تسخنها لما rpm ينزل تحت الواحد وبعد كدا تعشق وبعدين تنزل فرامل اليد وتتحرك وتشوف وتتاكد من الصوت وزى ايه
مشكلتك 2 دا عادى بس لو بتسمع صوت وانت طالع او نازل من مطب كدا يبقى فى مشكله

رد: اسفسار هام وعاجل عن النترا 2013
 

الطقة ديى عيب مشهور فى فتيس الالنترا
فى جزء اسمه انترلوك بيمنع العصايا تتحرك لو مش دايس فرامل ( بديل للفتايس اللى فيها زرار فصل )
اول ما تشيل رجلك من على فرامل الانتر لوك بيرجع يعشق لوضع اللوك لمنع حركة العصايا
طبعا حتروح التوكيل فى الضمان يغيروه هو عامة رخيص بس انت مش حتدفع حاجة
و فى حالات تانية بس الصوت كان من قدام طلع بسبب عدم الربط الجيد لمسامير الكوبلن الداخلية

موضوع العفشة فى رايى تروح لحد متخصص عفشة يطمنك الاول ان مفيش مشكلة كبيرة و لو حاجة بسيطة هو حيعملها افضل من التوكيل و مش حتأثر على الضمان
و لو حاجة جامدة يدلك عليها و تروحلهم التوكيل و انت عارف فيها ايه

بس هو عامة الاحساس بالمطبات الصغيرة ممكن يبقى طبيعى و متقدرش تحكم فى اختفائه و ظهوره غير بالمقارنة على نفس الارض

رد: اسفسار هام وعاجل عن النترا 2013
 

شكرا على الرد بس انا مبتحركش إلا لما بسخن العربية كويس وعمل نفس الخطوات اللى حضرتك بتقول عليها بس بسمع نفس الصوت للاسف

رد: اسفسار هام وعاجل عن النترا 2013
 

شكرا على الرد يااستاذ أحمد بس هل تغيير الانتر لوك ده مش معناه فك الفتيس وده مشكلة ولا ايه ارجوا الإفادة شكرآ