سبب سخونة الماروتي 2007
 

عندي عربية ماروتي 2007
فجاة لقيتها بتسحن جامد ركنت لحد لما بردت وودتها للكهربائي قلي المروحة سليمة روح لبتاع الريديتير قلي عايزة ترموستات اشتريت الترموستات ووديتهاله ركب الترموستات والعربية بردة رجعت تسخن تاني رجعنله قلي روح للكهربائي علشلت الفيشه بتعلق روحت للكهرباءي غيرها وعملي مقتاح يشغل المروحة لنا تسحن العربية والمشكله ان المروحة مبتشتغلش غير لما اشغلها من المفتاح وبردة لو نسي اشغل المروحة العربية بتسخن
لرجو الحل لهذة المشكلةANAA7TGANAA7TG

رد: سبب سخونة الماروتي 2007
 

أولا انا مليش خلفيه عن المروتي بس اتاكد من الاربه بتاعه الميه واتاكد من الريداتير مفهوش خرم او مسدود او لو انت بتقرص علي العربيه لازم تسخن معاك وبالنسبه للفيشه بتاعه مروحه الريداتير هو بيعمل وصله انك تشغل المروحه من داخل العربيه لو انت مش شغلتها هي كدا كدا بتشتغل اوتوماتيك
ونصيحه المشكله دي مشكله ريداتير مش كهربائي روح لواحد فاهم احسنلك

رد: سبب سخونة الماروتي 2007
 

المشكلة دى يا عزيزى فى الحساس اللى بيشغل المروحة حلة وجربة بره لوحده ولو شغال يبقى العيب ف السلك الموصل للمروحة علشان حضرتك لما بتشغل المروحة من المفتاح بتشتغل والعربية بتبرد يبقى العيب مش ف الردياتير ولا ف القربة والمشكلة محصورة بين المروحة والحساس بتاعها

رد: سبب سخونة الماروتي 2007
 

اشكر كا من تقدم بالنصيحة والردROSE4U

رد: سبب سخونة الماروتي 2007
 

هاقولك على شوية حاجات بسيطة
1- السخونة بتوصل لبعد النص بكتير يعنى بتقرب من الخط الاحمر الى على اليمين ولا لاء
2- القربة فيها مياه مملؤة لحد فين تحت العلامة الادنى و لا بينها و بين الحد الاقصى ولا بعد الحد الاقصى
3-لما بتسخن و بعدين تبرد بعد ما ترجع من مشوارك افتح غطاء الريداتير قبل تشغيل العربية و شوف المياه ناقصة فيه ولا لاء و لو ناقصة ناقصة قد ايه
4- هل بتقرص على الموتور و انتا ماشى ولا لاء يعنى بتجيب التالث عند سرعة كام و الرابع عند سرعة كام و فلتر الهواء اخباره ايه اخر مرة غيرته امته او نظفته
5- بتحط بنزين 80 ولا 90 و العربية عاملة كام الف كيلو
6- هل غسلت الريداتير من قبل و بتحط فيه مياه عادية و لا الخضراء

معلش الاسئلة كثيرة حبتين بس نتيجتها هى الجواب الشافى لمن سال عن سخونة الماروتى