ماتريكس 2001 استيراد كورى
 

رد: ماتريكس 2001 استيراد كورى
 

ياجماعة من فضلكم حد يرد وشكرا

رد: ماتريكس 2001 استيراد كورى
 

يا أستاذ سيد أهلا بيك مع حزب لافيتا. العربية دى تساوى حوالى 48 - 54 الف لو بتشتريها من معاق. اما لو بتشتريها من المنطقة الحرة وبعد تطبيق قوانين الإعفاء الجمركى على سيارات المعاقين فالثمن ما بين 37- 39 الف على حسب الحال.. طبعا الحكم صعب من مجرد البيانات بتاعة حضرتك لان الماتور ممكن يكون كبسة ضعيف فلازم تقيسة فى بنزية كويسة.

ونصحية خلى بالك من العربيات دى لانك لو مش مصحصح ممكن تلبس فى حاجة تكلفك كتير. تأكد من دة من خلال ميكانيكى ثقة تجيبة معاك ويفحص لك العفشة كويس وخلى بالك من البارومة لان العربيات دى عبها فى البارومة. لو العفشة والعربية مش فيها براومة والماتور مش فيه مشاكل يبقى هتكون أخذت عربية بثمن حلو.....

رد: ماتريكس 2001 استيراد كورى
 

رد: ماتريكس 2001 استيراد كورى
 

أولا لا توجد علاقة بين صوت الماتور والبور الخاص بالدريكسيون. صوت الماتور يزيد لو بتشغل التكيف او يتزود بنزين. لاحظ هل الحركة دى بتحصل لو أنت ماشى ولا واقف بس.

العربيات دى بتكون ممتازة لو حالتها نظيفة. أنا جايب واحدة ومشية معايا كويس. المهم خلى بالك وأنت بتشترى من الحاجت اللى قلت لك عليها دول
1- كبس الماتور
2- البارومة
3- العافشة

غير كدة كله بيتصلح ومش يكلف كتير

الترشيح دة مش شرط يكون من الجيربوكس. يعنى ممكن يكون من الكوبلن اللى خارج من الفتيس أو زيت ماتور الماتور. زيت الفتيس بيكون ثقيل ورائحته مزرنخة.

أكيد أعضاء المنتدى الخبراء ممكن يفيدوك أكتر. بالمناسبة،، معروضة عليك بكام العربية دى ؟ خلى بالك أن فى فصال يمكن يوصل لالفين جنية