مصر موتورز مجتمع السيارات - يوميات تاجر سيارت (فقط وحصريا على مصر موتورز)

طبعا انتم عرفين ان اغلب الناس بتعمل اعلانات وانا شحصيا سواء اعلانات على النيت او الجرايد او المجلات ودة ليها باع كثير جدا

يعنى ما اكثر الناس ال بتتصل الساعة 4 او 2 فجرا وتقول دايما جملة مشهورة قوى ( انا لسة قارى الاعلان الان هو الوقت اتاخر انى اكلم حضرتك وطبعا انت اما تكون نايم او بتاكل وتكون فى البيت )
طيب تقولهم اية
المصيبة انهم محسسينك انهم هينزلوا يشتروا العربية الان
او حتى يتصل الساعة 8 صباحا طيب تقولهم اية

وما اكثر العملاء الظريفة ال فى الغالب بتسلة
يعنى حد يتقل بيك بالليل ويقولك حضرتك عامل اعلان بيع عربيات
تقولة ان شاء الله تحت امرك
يقولك انا بكلمك علشان اقولك متعملش حسابى انى هشترى

وما اكثر الالحاح فى الاتصال يعنى انت نايم وتعمل التليفون صامت تجد 50 اتصال يقلق تقوم تتصل بال كلمك يقولك عندك عربية ماروتى اتومايتك موديل السنة

او ان حد يتصل بيك ويسال على سعر عربية وتقولة مثلا سعر العربية الانوس 77 الف يقولك دة كثير جدا دة فى كل حتة سعرها 62 الف تقولة ازاى وعند مين يقولك دة مكتوبة السعر على النيت تكتشف ان الاستاذ بقراء سعر عربية من سنة 2005 طيب تقولة اية طبعا بعد ميقولك كل الكلام انك نصاب وحرامى وخلافة وفى النهاية تقولة طيب كلم الوكيل وتكتشف انة بيقراء سعر فى بوست من سنة 2005

وما اكثر الناس ال بتدى رنة وتقفل وا يجننك انة المفروض هيشترى عربية ثمنها معدى 100 الف ومش هاين علية يتصل ويكلف نفسة او يبعت رسالة

احلاء شى عميل يتصل بيك ويقولك سعر العربية الزيرا كام فترد علية وتقولة سعرها 80 الف يقولك ينفع تبعها ب 60 الف تقولة لا مينفعش دة عربية جديدة ودة سعر الوكيل ازاى ابعها باقل من ثمنها
يقولك انتم عندكم عربيات كثيرة مش احسن من وقفتها ومحدش بيشترى ودة كان اغلب اتصالات الناس اثناء الثورة

ال عايز اقولة من الجزء السابق يا جماعة الناس ال بتشتغل فى العربيات ناس عدية جدا بيكون عندهم وقت ياكلوا ولازم ينام ويكون عندهم ظروف ومشاكل عائلية وحلات وفاة او افراح او بيصلى او حتى فى الحمام يعنى ناس عدين جدا جدا فيجب اختيار فن ووقت الاتصال علشان متكرهوناش فى عشيتنا وكمان الناس ال بتسال وخلاص وعلى فكرة اغلب الناس لا تكون جادة فى الشراء وبذات زباين بعد منتصف الليل والناس ال بتكلم باكر جدا ان مقلناش ان 99% منهم غير جادين

تجيل عميل يبعتلك رسالة يقولك انا عايز اشترى عربية ويريت تكلمنى ولا لو الرسالة دة من رقم دولى

ولا احلا شى العملاء ال معتقدة انها بتجبى عليك تابعونا
فاصل ونعود