مصر موتورز مجتمع السيارات - انطبعات ملاك لوجان اوتماتيك بعد 1000 كيلو

بسم الله الرحمن الرحيم
اللهم صل على محمد وعلى آله وصحبه أجمعين
الحمد لله والشكر لله عدينا اول 1000 كيلو بالوجان اوتماتيك
وسبب انى اعمل الموضوع ده ان يكون موضوع موحد لانطبعات ملاك الوجان الاوتماتيك بعد 1000 كيلو
وخصوصا اناه عربيه مرتقبه والناس بتسال عن اخبرها كل شويه فبنحاول نساعد على قد منقدر
انا عن نفسى هيكون حكمى ضعيف لان خبرتى فى السيارات ضعيفه غير ان اغلب ال 1000 كيلو سواقت اخوى لكن حابب انى اعمل موضوع واساعد

طبعا علشان الناس انا حجزت العربيه بتاريخ 31/1/2012 بمبلغ 500 جنيه
واصلت فى تاريخ 10/2/2012
واستلمتها من المعرض فى تاريخ 13/2/2012
ورخصتها فى تاريخ 15/2/2012
شاريها من المصرية لسيارات فرع المنصوره ب 80 الف جنيه لوجان اوتماتيك بلاك لين 2012 بترولى
والحمد لله على نعمته اعتبر من اول من امتلكها فى المنصوره وشاريها فى اول دفعه دخلة مصر فبرايل 2012

اولا الحمد لله الواحد مازل بيحمد ربنا على نعمة العربيه دى والحمد لله لحد النهارده مفيش حاجه معكره صفو
فرحتنا بالعربيه

اولا السؤال الدائم استهلاك البنزين يجماعه الاستهلاك الرسمى 7.5 لتر كل 100 كيلو لكن
هى اول مجة كانت بتسحب جامد يعنى اول يوم كان 12 ولا حاجه وشويه شويه نزلت لحد موصلة
9.5 لتر ل100 كيلو ده اخر قرايه عملتها على 350 كيلو مبين داخل البلد
معه العلم انى مش بثق اوى فى قراية الكمبيوتر لان السرعه مش موحده واحيانا واقف واحيانا ماشى لكن عموما هو استهلاكها بيقل تدريجيا

ثانيا مشكلة بطء سحب العربيه فى الاول اتحسن كتير بالعكس بدئت احس انها تحولت امن اوربى ل يبانى ولا حاجه لكن مازلت محفظه على اتزانها مشاء الله

ثالثا لم اواجه اى مشكله من مشاكل الحراره ولا مشاكل الصوت لحد الان بالعكس انا احيانا من كتر عزل الحراره بخاف على المتور وهو معزول كده لوحده ههههههههههه مشاء الله

رابعا لم اواجه الحمد لله اى مشكله فى الفتيس وكل يوم تزداد ثقتى فيه وطبعا الفتيس من الحجات القلقه الناس كلها برغم ان فى راى ازاى ناس واثقه فى عربيات اول انبارح زي الصينى وحتى الكورى وخايفه من شركه عمرها فوق 100 سنه يتصنع سيارات والفتيس عما اسمع هو فتيس لوجان MCV و ميجان 1 عما اعتقد

خامسا فى ظل الجو الممطر الحنا فيه عزل العربيه جيد جدا برغم ان لو كنت شوفت عربيه بتقفل بره هتحس بفرق نوعا ما انا بتكلم هنا على الساجا الماليزى لكن فى كل الاحوال فى راى لا يقارن بالتجميع المصرى وفى ظل البحيرات المليه البلد هتحس بقيمة ارتفاع العربيه عن الارض الهوه اجمل ميزه فيها
وفى راى ميزه تستحق تضحى قصدها بمزايه كتير فى اعربيه منفسه وواطيه

سادسا الدركسيون فى نظرى هو خف عن الاول وبقى اسهل بكتير لكن انا مش قادر احكم لانى مسقتش قبلها اله بيجور ويمكن علشان انا مش بحب الدركسيون الخفيف اوى ولا بحب العربيه الخففه على الطريق علشان كده انا كل يوم بعشق لوجان اكتر

الموجز العربيه مشاء الله عليها بجد بحمد ربنا عليها فى كل حاجه الحمد لله وخصوصا سعرها
وده النفسى اقوله لناس البتخش تنتف ريشها عايز اقوله عندك كام عربيه فيها كل ده ب 80 الف علشان تقعد تامر علينا كده فى راى الشخصى انها واحده من العربيات النادره التستحق الاقتناء لحد 110 الف او 120 كمان "مشاكلى كلها تلخص فى لسه مش عارف اخد انهى وضع كرسى ارتاح فيه وبتخانق معها خوى نطلع الكورسى ولا ننزله هههههه " والشنطه العاليه واستعمال المريات لسه مش عارف اتعود عليه لانى متعود على بيجو بمرايه كبيره فى النص ومفيش مريات يمين وشمال مشكلة ان المرايه مفروض متناش فى بلدنا مشكله نوعا ما وخصوصا ان فى ناس غويه تخبطها لكن الحمد لله مرنه ومحدش قادر عليها "

ده تقرير اولى الموضوع مفتوح لكل عضو ربنا كرمه بالاوتو وعدى 1000 كيلو يشاركنا بانطبعاته
انا هحاول اى حاجه القهيها او اى صور او معلومات اضفها هنا

اخيرا فى خلاف كبير بينى وبين التوكيل على ضغط الهوا فى الكوتش انهى ضغط افضل يرت
تخشه صفحة رينوا وتساندونى
http://www.facebook.com/photo.php?fb...type=1&theater

كمان انا عامل هناك موضوع عن تخفيض قيمة السينسور بار علشان محتجينه بسبب علو الشنطه اتمنى تساندونى فى طلبى قدام توكيل رينوا
http://www.facebook.com/renaultegypt
"هتلقوا تحت شويه عايزن اى حد عارف اميلات حد فىا لشركه تلفيونات نعمل عليهم حمله فى الموضوع ده "

ومعلشى انا مصدعكم لكن من عشمى
عايز قول نهائى فى فكرة تشميع العربيه الترام والمطر مجننى وانا خايف عليها ومش بستحمل عليها الهوا ربنا يبارك فيها ادعولها
وموضوع فرش الارضيه مليانه تراب وطين وطبعا انته عرفين الشوارع لكن خايف من فكر العتب والعربيه رايكم ايه ؟

واخيرا اى حد عنده اقترحات او حاجه احافظ بيها على العربيه ميبخلشى عليه ارجوكم

تحياتى
محمد رسمي
WWW.RASMY.CO.CC