جيب ولا سيدان؟؟
 

السلام عليكم

ازيكوا يا احلى شباب و اجدع ناس ... عاملين ايه ؟
يا رب تكونوا كلكم عال العال و زى الفل

حبيت النهاردة افتح معاكم موضوع للمناقشة

لو الفلوس ماتفرقش ,,, تركب جيب ولا سيدان؟؟؟؟

و طبعا يا ريت يكون فيه شرح للاسباب و وجهة النظر


عن نفسى ::: مش هتكلم على تقنيات ولا مواصفات انا هتكلم بس عن احساسى الشخصى

أنا بصراحة كان نفسى أركب جيب وده للاسباب دى

1- ان العربيات السيدان بتكون واطية على الارض فى اى مطب ممكن تحك بجسم العربية .. او انت بتركن و قدامك رصيف تسمع حكة الاكصدام و انت بتركن أو و انت ماشى خلاص انما الجيب طبعا تدوس بيها فى اى حتة.

2- القدرة التحميلية للعربيات الجيب اكبر من العربيات السيدان سواء للبشر او الشنط (ده طبعا على اعتبار اننا بنقارن عربيات من نفس الحجم الداخلى تقريبا يعنى ماتكونش السيدان مثلا مرسيدس شبح و تكون الجيب تيريوس)


لما ركبت اكتر من عربية جيب زى (انفوى ,, تريل بليزر,, شيروكى ,, باجيرو )(مع العلم ان مش كلهم دفع رباعى) بصراحة رجعت فى كلامى للاسباب دى



1-لما تركب العربية الجيب كدة تحس بالهيبة و كمان تحس انك ( راكب ميكروباص) و بصراحة الربع ساعة وجعت لى ظهرى مع انى ريحت الكرسى على كيفى. (تفرق من حد للتانى)

2- انا بحب الجرى ,,, طبعا مش فى كل وقت بس لما جربت اجرى بالجيب حسيت انى خايف
و لما جيت اخد غرزة حسيت انى هقع من العربية (نفس الاحساس و انا باخد ملف على الهادى) فا كدة الثبات انساه يا معلم و الايرودايناميكس فى البلالا و خصوصا فى الباجيرو

3- تحس ان العربية تقيلة كدة فى حركتها و فراملها مش عارفة تسعفك مع ان اقل موتور فى العربيات دى 6 سلندر 3200 سى سى و فيه مواتير 4200 سى سى (راكب صندوق).


من الآخر كدة حسيت انى كنت فى كابوس :)


مستنى ردودكم و تعليقاتكم

رد: جيب ولا سيدان؟؟
 

اسف يا جماعة
واضح ان مفيش حد مهتم بموضوع الفرق بين الجيب و السيدان...

يرجى من الاخ العزيز مشرف المنتدى حذفه

رد: جيب ولا سيدان؟؟
 

متهيئلى ان دى بتفرق من شخص لتانى ... وحسب كمان استخدماتك انت ليها و طبيعة شغلك و طبيعة مشاويرك!

اسا اى عربيه 4*4 بتلاقى مكتوب عليها فى الشماسه فيما معناه انك هتتقلب بعد ال 140 ptmnlo123per145

وده طبعا لو اخدت ملفات بسرعه عاليه! و ده طبيعى لان كل م بتبعد عن الارض كل ما ال stability بيقل...

بس فى عربيات 4*4 مشهوره بانها ثابته حتى مع الملفات زى ال Nissan Patrol مثلا ..

يعنى الموضوع بيفرق من عربيه للتانيه!

بس بردوا ده بيرجعلك , يعنى زى ما انت بتقول لو موضوع الفلوس مش بيفرق (خصوصا مع البنزين و صيانه اغلى طبعا) يبقى ممكن تكون افضل كتحمل ...

لاكن انا بحس ان السيدان ليها طعم تانى ... وال 4*4 تكوت تانى عربيه فى البيت مش اساسيه ...

وده بردوا فى الاول و الخر يرجعلك ... زى مقولتلك حسب استخدامك و حسب الاماكن اللى بتروحها و حسب المكان اللى هتعيش بيها فيه...

دا رأيى ptmnlo123per1127

رد: جيب ولا سيدان؟؟
 

caprio

بجد والله مش بهرج

انا جربت السيدان الفخم في لكزس جي اس و ال اس

و جربت الجيب الفخم في لاندكروزر

و جربت الكوبيه الفخم في ال ام 3

و جربت ستيشن واغن الفخم في الافنسيس D4D

و جربت الكابورليه الفخم في بوكستر اس

و بجد شتان

كابريو الى الابد

رد: جيب ولا سيدان؟؟
 

علي حسب استعمالك
لو كل استعمالك داخل مدينه يبقي سيدان صغيره او دفع رباعي صغير زي التريوس و الفيتارا
و لو معظم استعمالك طريق يبقي سيدان متوسط او كبير
انما لو معظم استعمالك طرق غير ممهده يبقي الدفع الرباعي بمعني الكلمه زي الجيب و الباترول و الكروزر

رد: جيب ولا سيدان؟؟
 

هي راجعه لطبيعه استخدام و سواقه كل واحد
يعني انا افضل السيدان ...
و كنت بحب الهاتشباك اكتر حاجه ( بس تكون شنطتها كبيره )
لكن طبيعه شغلي تخليني اختار ال 4×4 ...

يعني لو الفلوس متفرقش ممكن اختار SUV كومباكت زي ال X3 ....
و ياسلام لو ممكن البي ام X6 تبقى ممتازه بصراحه ptmnlo123per171
بس ساعتها حبطل شغل لأني لا يمكن اسوقها في الحتت اللي بمشي فيها دلوقتي

رد: جيب ولا سيدان؟؟
 

شكرا يا جماعة على الرد و التفاعل و اسف لطلبى الغاء الموضوع
انا بجد افتكرته مش بيهم الناس فى مصر

كلام Eng.Barakat صح طبعا انها تفرق بين حد و التانى
و ان فى جيبات ثابتة زى الباترول و طبعا المرسيدس إم أل و إكس 5 و 6 و الكايين و الرينج روفر
بس هل الاحساس هو نفسه برده فى العربيات دى (صندوق) أتمنى يكون الاحساس مختلف


استاذmtema99
انا معاك فى كل كلمة قولتها أن قيادة الكابريوليه طبعا هى الامتع على الاطلاق و لكن عيبها طبعا
انك لو رب اسرة مش هتنفع معاك فا اقرب حاجة ليها فى المتعة هى السيدان



hazem_khidr باشا جبت من الاخر على حسب استخدامك (و ده الصح طبعا من الناحية العملية)
و كدة كدة الواحد هيتعود على العربية اللى معاه ,,, بس برده متعة السيدان او الكابريوليه ملهاش حل :)



sam ram حبيب قلبى والله يا باشا

انا لو جبت إكس 6 اساسا مش همشى بيها فى الشارع انا هنزل اركب فيها و هى واقفة و خلاص .. و ممكن اطلعها معايا الشقة :)
فكرتنى امبارح و انا راجع من عند الميكانيكى شفت عربية RR Phantom DropHead ماشية فى الشارع عادى كدة و صاحبها قلبه جايبه يعمل فيها كدة ... زعلت عليها قوى :)


منتظرين ردود باقى الشباب<SCRIPT type=text/javascript> vbmenu_register("postmenu _18730", true); </SCRIPT>
<SCRIPT type=text/javascript> vbmenu_register("postmenu _18726", true); </SCRIPT>
<SCRIPT type=text/javascript> vbmenu_register("postmenu _18720", true); </SCRIPT>