ستروين ax
 

السلام عليكم
قدامي عربيتين axوالاتنين حالتهم كويسة جدا موديل 95
بس انا خايفة من موضوع قطع الغيار اللي الناس بتتكلم فيه للعلم انا ساكنه في جسر السويس وموجود شارع كامل لصيانة الستروين
وهل قطع الغيار كلها متوفرة سواء جديدة او استيراد وهل هي غالية جدا ولا زيها زي الياباني
ارجو حد يفيدني لاني تعبت من كتر التدوير وانا حدودي 22 مش اكتر

رد: ستروين ax
 

العربية جميلة
وكل قطع الغيار متوفرة(الاستيراد)
الجديد متوفر عفشة وموتور، لكن الكماليات قليل منه جديد، بس متوفر استيراد
أهم حاجة الكشف علي العربية

رد: ستروين ax
 

أرشح للمبلغ اللى مع حضرتك

1. سيتروين ax
2. دايهاتسو شاريد
3. دايهاتسو ميرا
4. بلاش 128 و 127 عن تجربة

بس اعملى حسابك ان تكييف العربيات اللى فاتت مش قوى، يادوب يلطف الجو للسائق، وممكن يسخن العربية فى الحر الشديد ويحصل مشكلة فى الموتور، يبقى حضرتك تكشفى كويس على العربية وتختارى أقل عربية حصل عليها تعديلات، وتابعى مع مركز خدمة محترم، وبإذن الله هتلاقى أداء يفوق السعر بمراحل.

نجمع كده:

1. استخارة
2. البحث فى المنتديات عن مزايا وعيوب وأماكن فحص السيارات
3. سؤال أهل الخبرة
4. البحث عن سيارة لا تحتاج مصاريف
5. الكشف فى مركز متخصص(فحص شامل)
6. المتابعة الدورية فى الصيانة مع متخصص فى نوع السيارة

رد: ستروين ax
 

شكرا لحضرتك جدا
طب معلش ايه هي الصيانة الدورية يعني اية اللي اعمله فيها واتابعها ازاي
انا كان معايا 27 وطلعت عيني فعلا

رد: ستروين ax
 

الصيانة الدورية زي تغيير الزيت والسيور والفلاتر فى مواعيدها
وأقترح يكون فيه زيارة شهرية لمتخصص سيتروين
هتلاقى مواضيع كتير علي المنتديات لازم تقريها علشان تعرفى كل حاجة عن العربية
وأي حاجة أسألي علي المنتدي