استفسار عن أسعارقطع غيار و صيانة 316i موديل 2006 &2007
 

عايز استفسر عن أسعار قطع الغيار و خدمة صيانة الوكيل لل 316 موديل 2006و2007 علما بأني لم يسبقلل لي وبفكر أشتري لكن متردد بيقولوا اسعارها و صيانتها نار...وهل المستعمل منها بعد 100 الف كيلو كويس واللا صيانته كتير ومكلفة
ياريت لو حد عنده قايمة اسعار

رد: استفسار عن أسعارقطع غيار و صيانة 316i موديل 2006 &2007
 

الشباب نايمين واللا ايه...الهمه الله يكرمكو :)

رد: استفسار عن أسعارقطع غيار و صيانة 316i موديل 2006 &2007
 

خش فيها بقلب جامد ياباشا
ان شايف طالما فكرت فيها (بجدية وواقعية مش مجرد امنية يعنى) يبقى غالبا حتقدر على مصروفها
ميزة العربية دى انك ممكن تعمل صيانة برة التوكيل فى مراكز محترمة وقطع الغيار متوفرة سواء جديد اصلى او استعمال اصلى او جديد مش اصلى
انا شخصيا شايف ان تكاليف الصيانةوقطع الغيار الدورية (من غير حوادث يعنى لا قدرالله) لا تختلف كثيرا عن اى عربية زيرو او موديل حديث (ان لم تكن اوفر)
مثلا: تيل الفرامل الامامى سعره من اول 180ج (اسبانى محترم جدا) وحتى 600ج (بى ام اصلى), والخلفى شبهه
تلاجة التكييف من 1200ج وحتى 2500ج
فانوس خلفى اصلى استعمال 600ج وجديد (مش اصلى) 450ج
غيار زيت بى ام اصلى يكلف حوالى 450ج يكفى 14000كم
باب خلفى فاضى استعمال 3000ج قابل للتفاوض
فتحة سقف كاملة بالمكنة والزجاج 4000-6000ج استعمال حسب السوق
ارجو ان اكون وضحت شىء من الصورة

رد: استفسار عن أسعارقطع غيار و صيانة 316i موديل 2006 &2007
 

الف شكر يا كنج....
بالنسبة لموضوع مراكز الخدمة دي مضمونة ؟ .....عشان دايما البي أم بيقولو لازم الوكيل و ماتوفرش دلوقتي تندم بكرا وكلام من ده
و بتحتاج تغير مساعدين بعد 100ألف كم زي باقي العربيات ؟ وبكام
لو معاك العربية ياريت فكرتك عنها و عيوبها ايه

رد: استفسار عن أسعارقطع غيار و صيانة 316i موديل 2006 &2007
 

اناكان معايا 316 مو2007 بس للاسف بعتها لظروف (كانت مانيوال اسود فتحة سقف بدون آى درايف فبريقة برة وجوة ماشية 80000كم وبعتها ب130000ج شهر12 اللى فات دة عشان تاخد فكرة عن الاسعار)
موضوع الصيانة ف مراكز خارج التوكيل انا شايف انه موفر ويلبى احتياجات السيارة وكان بالنسبة لى اوفر فى الوقت خصوصا لانى ماعنديش وقت اروح التوكيل الصبح او فى مواعيد معينة نظرا لظروف العمل
اظن تمن المساعدالامامى حوالى 1800ج خارج التوكيل وطبعا تغييره من عدمه بيكون حسب استخدامك للسيارة فى الطرق والمطبات