|
بقيت فى نص هدومى شوفوا لى حل
السلام عليكم
انا حديثه فى السواقه من حوالى كام شهر وفرش عربيتى جلد وفى الحر اللى احنا فيه ده باخرج م العربيه زى السمكه اللى خارجه م البحر وشكل هدومى كأنى خارجه من خناقه فى الميه معرفش ده عادى ولا لانى لسه جديده وباكون مضغوطه المهم شكلى بقى بيسبب لى احراج جامد. وحاولت اشترى عراقه للكرسى لكن كل اللى شوفته خوص او قماش صناعى كده بوليستر وده كله بيسبب لى العرق بردو . ياريت حد يقولى ايه الحل وفين ممكن الاقى عراقه خامتها تكون قطن وسعرها بيكون كام ويا سلام بقى لو شكلها بناتى يبقى هايل:CONGRA~238: |
رد: بقيت فى نص هدومى شوفوا لى حل
لا ده العادى بسبب الحر وكدا وحضرتك شايفه الجو عامل ازاى فكلنا كده بلا استثناء الا لو فيه تكيف فى العربيه طبعا بيفرق جامد جدااا انا افضل حل من راءى حضرتك هتجيبى قماش قطن صافى وتحاولى تفصلية على الكرسى بس يبقى اكثر من طبقه يبقى كذا طبقه مش طبقه واحده بس هتضحى بشكل الكرسى بتاع العربيه او حضرتك تروحى لاى سروجى او مصنع بيصنع فرش السيارات وتخليه يفصلك كسوة للكراسى بس تخليه يعملهم قماش والتكلفة هتبقى فى حدود 150 الى 300 جنية حسب الخامه و الشكل وكدا |
رد: بقيت فى نص هدومى شوفوا لى حل
كلنا فى الهم سوا انا بنزل من العربيه ولا اللى وقع عليه جردل مياه وتشوف الكرسى اللى جنبى ماتعرفوش من كتر المناديل اللى بمسح بيها وارميها جنبى
مافيش اى حل غير التكييف لكن فى رائى المتواضع تكييف مش فبريكا مشاكله كتيره والله يعينك ويعنا جميعا |
رد: بقيت فى نص هدومى شوفوا لى حل
ايه ياجماعه امال التكييف بيعمل ايه ؟ علشان تستحموا فى السيارات كده ؟ ااقفل الشباك بعد متظلله 70 % وشغل التكييف وشريط قران واديها
اتمنى السلامه للجميع |
رد: بقيت فى نص هدومى شوفوا لى حل
عراقة من نوع كويس موجودة عند سبير كار
وفى شارع دمشك اشكال كتيرو وألوان بس فى عز الحر لازم الواحد يعرق حتى لو التكيييف شغال:CONGRA~238: |
| الساعة الآن 04:25 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017