رجفة فى العربية
 

صباح الفل يا شباب

لو حد يقدر يفيدنى

الصبح النهاردة بعد ما شغلت العربية شوية لحد ما سخنت و بعدين ركبت
لقيت فيه رجفة غريبة فى العربية كلها (و هى واقفة) و لما نقلت على وضع الدرايف عشان اتوكل على الله زادت الرجفة
المهم طلعت بالعربية و الرجفة شغالة سواء العربية ماشية او واقفة لحد ربع ساعة كدة و راحت الرجفة دى
بالتدريج ...

مش ده برده يبقى عيب كهرباء (دينامو) ولا ممكن يكون ايه تانى (اكيد مش كراسى موتور لأن الرجفة ظهرت فجأة و كمان راحت
تماما بعد ربع ساعة)
مع العلم ان العربية بتهجص بقالها فترة بس اول مرة تحصل الرجفة دى النهاردة

أفيدونا افادكم الله

رد: رجفة فى العربية
 

اكيد فى الانجكشن او الموتور مش مظبوط ولو السحب مش تمام يبقى بص برضه على البوجيهات والبوبينا


والف سلامة على على العربية يا حمادة

رد: رجفة فى العربية
 

ربنا يخليك يا أيمن باشا

انا بصراحة كنت عاوز أأجلها لأول الشهر :) بس هى كدة طلبت بقى ,,, ربنا يستر

رد: رجفة فى العربية
 

بصراحة مش عارف ممكن تكون ايه بالظبط بس حاسس انها حاجة خاصة mounting بتاع الموتور او الفتيس (قواعد)
او حاجة فى الكلاتش (اسطوانة الدبرياج)

بس هيا كده عايزة بصة ونصحيتى متكسلش عنها اكتر من كده علشان متفتحش جامد

طمنا يا باشا وسليمة ان شاء الله ptmnlo123per122

رد: رجفة فى العربية
 

تسلم يا وائل باشا ,,,,

انا هروح بكرة ان شاء الله علشان اشيك عليها لأتى معرفتش اروح النهاردة
بس انا متهيالى انها حاجة فى الكهرباء والله اعلم
لأن المشكلة دى كانت حصلت ليا زماااان فى المرسيدس كنت راكنها 3 اسابيع فى الشتا و اول ما شغلتها برده
حصلت الرجفة دى و بعد شوية بدات تخف لحد ما راحت خالص و عمرها ما حصلت بعد كدة لحد ما بعت العربية

و متهيالى ان الدينامو عندى مش شغال تمام لأنه طلعلى انذار عليه قبل كدة لأن عربيتى موتورها كبير و مابمشيش بها غير وسط البلد و مسافات مش كبيرة فا الدينامو تعب ...

يلا ربنا يعديها على خير ... الف شكر يا جماعة على مجهودهم و اهتمامكم و هاطمنكم بإذن الله