هل مشكلتي تواجه جميع ملاك لانسر شارك؟ برجاء الاطلاع من الملاك
 

انا لسه جايب لانسر شارك 2013 اعلى فئه والعربيه الحمد لله جميله جدا جدا بس مشكلتي معاها اني بحس ان دواسه الفرامل والبنزين مكانهم مش مظبوط بمعنى انهم عالين شويه عن ارضيه العربيه وده بيسبب الم في الرجل في السواقه لفتره طويله.

ولقيت ان الحل اني ارجع الكرسي لورا خالص وانزل قعده الكرسي لتحت خالص برده عشان رجلي تكون مفروده على الاخر بس في الحاله دي الالم بيتنقل لظهري لان القعده مش بتكون مريحه.

انا حاولت اني اظبط وضعيات كتيره بس للاسف مفيش ولا وضعيه مريحه.

لو حد عنده المشكله دي ياريت يفيدني باي معلومات او حل ليها... وانا اتوقع ان المشكله دي ممكن تواجه الناس الطويله شويه :D

رد: هل مشكلتي تواجه جميع ملاك لانسر شارك؟ برجاء الاطلاع من الملاك
 

من الممكن الذهاب إلى سروجى شاطر ويتم التعديل فى الكرسى حتى تصل إلى افضل وضع وإن كان هذا التعديل على حساب شكل الكرسى ؟؟؟؟ اعتقد المهم راحة صاحب السيارة
لكن لا يمكن التعديل فى قواعد البدلات لطوال القامة
يسر الله امرك إن شاء الله

رد: هل مشكلتي تواجه جميع ملاك لانسر شارك؟ برجاء الاطلاع من الملاك
 

انا عرفت المشكله طلعت منين بالظبط بس عايز اعرف هل هو شيئ طبيعي في اي لانسر؟

المشكله تكمن في حساس او سينسور البنزين بمعنى ان الطبيعي في اي سياره فلنفترض انك ماشي على سرعه 60 اذا اردت ان تثبت سرعتك فانك فقط تقوم بلمس دواسه البنزين لمسه بسيطه واذا اردت ان تزيد من سرعتك فانك تقوم بزياده الضغط درجه بسيطه جدا وهكذا تكون القدم في راحه طوال فتره القياده.

اما عندي على سيبل المثال على سرعه 60 لازم اضغط على دواسه البنزين بشده حتى تستجيب السياره ويبدا التسارع المطلوب.
على افتراض ان عدد الدرجات بين البدايه والنهايه لدواسه البنزين هي 20 درجه. في حين ان اول درجه من الضغط لا تؤثر وثاني درجه تقوم بتثبيت السرعه والدرجه الثالثه يبدا فيها التسارع ولكن ببطئ شديد فالدرجه الرابعه وهي المطلوبه باستمرار لتجعل السياره تسارع بقوه وبالتالي فان القدم تبذل مجهود عضلي زائد طوال فتره القياده (تثبيت السرعه او زياده السرعه).

بالاضافه الى الفرامل فان السياره تقف تماما بعد حوالي 7 او 8 درجات من الضغط وبلا شك فان هذا يؤدي الى صعوبه التنقل المتكرر بين البنزين (4 درجات) والفرامل (7 درجات) بالاضافه الى استمراريه الضغط بشده على البنزين وهذا ما يؤدي الى الالم الشديد للقدم بعد عده ايام من القياده المستمره.

اتمنى من الملاك تجربه الموضوع على اي سرعه وكلما زادت السرعه زاد الاحساس بالمشكله حاول تلاحظ هل يوجد فجوه او مسافه ليس لها فائده عند الحاجه الى زياده سرعتك وفي نفس الوقت يكون التسارع قوي.