ازاى امنع سرقة غطاء العربيه
 

امبارح رحت اشتريت غطاء عربيه من عند سبير كار فرع امتداد رمسيس, كان غطاء حلو اوى و خفيف و عملى و مظبوط على العربيه النيو سيراتو بس الله يرحمه بقى , صحيت الصبح ملقتوش على العربيه , مكملش اربعه و عشرين ساعه , حد عنده طريقه امنع بيها سرقه غطاء العريبه علشان مش معقوله كل يوم ادى الحرامى 75 جنيه فى ايده

رد: ازاى امنع سرقة غطاء العربيه
 

حط العربية في جراش او خطو في الشنطه ؟؟؟؟؟؟ptmnlo123per144

ممكن طار مع الهوا

رد: ازاى امنع سرقة غطاء العربيه
 

لا هو اكيد مطارش لانه فى استك من تحت كان ماسك كويس على العربيه.

و بالنسبه لموضوع الجراج ده طبعا اسلم حل بس الجراج عندنا فى غالى شويه , حوالى 350 جنيه فى الشهر فالواحد عاوزه يخليه اخر الحلول

رد: ازاى امنع سرقة غطاء العربيه
 

لو الجراش غالي ادي 100 جنيه للبواب وقلو يحرسها بالليل

رد: ازاى امنع سرقة غطاء العربيه
 

ما هو البواب الاوده بتاعته تحت فى البدروم بتاع العماره, المشكه ان الغظاء اتسرق بعد الفجر لانى كان عندى شغل اليوم ده و كنت سهران على الكمبيوتر و اخر مره بصيت على العربيه من الشباك كانت الساعه خمسه و ربع الفجر وكان موجود , انا بفكر مره اغطى العربيه و ابات جواها علشان الحرامى لما ييجى يشيل الغطاء يشوفنى و يجيله سكته قلبيه , هاهاهاهاها

لا انا كنت عاوز اسال على حاجه , هل لو كتبت اسمى ونمر العربيه على الغطاء بحاجه ممتمسحش , هل ده يقلل احتمالات سرقتها و سؤال تانى , هل لو العربيه فيها انذار و حد حاول يشيل الغطاء هل الانذار حيشتغل ؟

رد: ازاى امنع سرقة غطاء العربيه
 

لو حطيت اسمك عادي بيتشال بالنزين والغاز

الانزال لو انت معلي الحساسات بتاعتو قوي من اللمسه هيشتغل

ممكن لو عربيه صوتها عالي جنبها يشتغل

رد: ازاى امنع سرقة غطاء العربيه
 

شكرا على الرد و ياريت لو حد عنده افكار تانيه يقولنا عليها