|
مقارنة بين الكيا سبورتاج وبين الهيونداي ix35
السلام عليكم ورحمة الله ،،،
الحقيقة انا عضو جديد ودي اولى موضوعاتى .. وان شاء الله ماتكونش الاخيرة :) انا كنت داخل المنتدى بعمل مقارنة بين الكيا سبورتاج وبين الهيونداي ix35 واهم حاجة عندي المرونة والنعومة في المطبات لانى عندى انزلاق غضروفي والجميع بيخوفنى من العربيات العالية عموما وتأثيرها على الضهر في المطبات محتاج اعرف الرأى عن تجربة .. مع العلم انى معايا النترا 2008 والصراحة ماتعبتنيش في صيانة ولا قطع غيار وكانت زي الفل .. بس بهدلتني لنها واطية جدا هههههههههههههه انا كنت حاطط المقارنة اكبر من كدة معاهم القشقاي والسوبارو اكس فايف وكمان الداستر كانت عجباني جدا جدا بس للاسف مفيش منها الا مانيوال وانا تعب طهري مأثر على رجلى وماينفعنيش المانيوال اما القشقاي فأصغرهم وانا عائلتي بسم الله ماشاء اله كبيرة ومحتاج عربية 5افراد مستريحين اما السوبارو فواحد صاحبي لسه جايبها وبيشكر فيها .. والجميع مجمع انها محترمة ولكن لابد ان تكون على قدر رفاهيتها بمعنى ممكن تتعب في التوكيل - قطعالغيار - اى حاجة لازم في التوكيل ودة صديقى قالهالى مش عارف يركب شاشة دي في دي الا فى التوكيل عشان كهربتها مش اى حد يشتغل فيها المهم استقريت وحصرت المقارنة فى الاي اكس والسبورتاج منتظر ردكم أكرمك الله لانى مستعجل عشان عاوز اخلص قبل معاد تجديد العربية اللى معايا :) |
رد: مقارنة بين الكيا سبورتاج وبين الهيونداي ix35
اهلاً بيك يا حسن باشا ومبروك مقدماً العربيه الجديدة
انا كان عندى نفسك مشكلتلك بالظبط مع الالنترا وكان معايا 2008 برضو وقبلها كان معايا بى ام الفئه التالته 2006 ودلوقتى جبت تريوس علشان مشاكل المطبات وصدقنى ظهرى كان بيتعبنى فى البى ام اكتر الموضوع مش موضوع ارتفاع الموضوع موضوع مرونة العفشه وطبعاً وضعيه القيادة بالعكس العربيات العالية المطبات والطرق المكسرة بتبقى ارحم بكتير من اى عربيه تانية واطيه كمان العربيات العاليه تقدر تعلى الكاوتش فيها بسهولة اكبر بكتير من العربيات السيدان وبالتالى تكسب مرونة اكتر وبالتالى راحة اكبر للركاب وان كان كله هياثر على الثبات وبالتالى لو حضرتك مش بتجرى بالعربيه وسواقتك هادية العربيات العالية انسب ليك مفيش كلام وبالنسبة للمقارنة بين السبورتاج والهيونداى الاتنين اخوات شقايق من نفس الام ونفس الاب اختلاف اسماء واشكال بس وان كنت انا اميل للسبورتاج شكلاً وديه اذواق طبعاً لكن الهيونداى اوسع بس انا رائى تركب الاتنين وتشوف انت ميال لمين اكتر والاتنين كويسين واختيار موفق ان شاء الله |
رد: مقارنة بين الكيا سبورتاج وبين الهيونداي ix35
طيب و ليه ما تفكرش في التريوس او في x3
Sent from my GT-I9100G using Tapatalk |
رد: مقارنة بين الكيا سبورتاج وبين الهيونداي ix35
فعلا انا لو مكانك اركب الاتنين فى معرض و اشوف انهى اريحلى
لان الاتنين كويسين و نفس الشركة زيى ما وضح الاستاذ ابو نورا |
رد: مقارنة بين الكيا سبورتاج وبين الهيونداي ix35
اقتباس:
انا اول مافكرت في العالي كان في التريوس الصراحة.. وناس قالتلى ناشفة جدا على ضهرك وكمان ركبتها وحسيتها كنزة من جوة وضيقة نوعا ىما بالمقارنة بالالنترا وانا محتاجها عائلية عشان عقبال عندك عندي ثلاثة ابناء :) اسفسار بس بالنسبة لجملة "تعلى الكاوتش فيها بسهولة " قصدك اية ؟ انى ازود الجانت ؟ انا امبارح رحت سمير ريان وركبت الاتنين بس على الواقف والصراحة ارتحت للهيونداي مش عارف لية مع ان اوبش الكيا اكتر .. يمكن عشان حسيت ان صالونها اوسع للاسف معرفتش اسوق حاجة فيهم حتى الان .. بس ربنا يسهل تسلم استاذي على الرد والاهتمام بالنصيحة أكرمك الله :) خالص تحياتي،،، |
| الساعة الآن 07:23 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017