|
رد: حل عملى واقتصادى لمشكلة انقطاع النور
اقتباس:
بص انا فكرت زيك فى المولدات بس الاسعار بتاعتها بقت مستفزة اليومين دول وكمان بقى فيه انواع مضروبة كتير وكمان صيانة الحاجات ديه مش سهلة وممكن متلاقيش قطع غيار والاهم ان الديزل نفسه مش موجود وبالنسبة لتوليد الكهرباء من مصادر طبيعية فيه حلول للطاقة الشمسية او توربينات رياح وشوفت كمان مولدات بتشتغل بالغاز الطبيعى بس لقيتها غالية ومش مضمون الغاز يبقى متوفر هو كمان فان شاء الله الخطوة اللى بعد كده انى هدور على حل عملى بالطاقة الشمسية او الرياح المهم ان نفس المكونات اللى هنشتريها ديه سواء بطاريات او محولات هتنفع وهنحتاجها فى نظام الطاقة الشمسية او الرياح بس ناخد بالنا لو فيه النيه لكدة انك تستثمر شوية فى تمن المحولات يعنى تجيب حاجة نظيفة واللى عرفته كمان انك هتحتاج تجيب مولدات فيها امكانية العمل على الترددات الضعيفة Low Frequency Inverter بمعنى تانى ان المحول لوحدة ممكن يعدى ال 3 الاف جنيه الى 5 الاف جنية لتشغيل شقه باجهزة معقولة بقدرة 1000 وات ولا اكتر شوية وممكن بحسبه تانية تقول ان نظام توليد الكهرباء من الشمس بكل الحسبات الاقتصادية هيعدى ال 10 الاف جنية لكل مكوناتة من الواح شمسية ومحولات وبطاريات وان شاء الله هعمل مشاركات تانية للكلام بالتفصيل عن ده كله بمساعدة باقى الزملاء واصحاب الخبرة |
رد: حل عملى واقتصادى لمشكلة انقطاع النور
التوبيك منور بيك ... و بعدين يا راجل سيبك من موضوع مهندس و لا مش مهندس دى .... خليها كدة على الله ....
انا متفق معاك فى موضوع ضرورة البحث عن مصادر مختلفة لتوليد الطاقة ... و عاجبنى موضوع التوليد من الطاقة الشمسية ... علشان احنا عندنا شمس معظم ايام السنة و لله الحمد ... و طاقة الرياح فكرة معقولة جدا .... انا بتكلم على السطوح بتاع بيتنا و انا متفق معاك فعلا فى موضوع المحولات .... لازم نجيب حاجة نضيفة و للأسف حتكون غالية ... بس مش مشكلة .. الغالى تمنه فيه و التكلفة حتى الان فى حدود المعقول الخطوة المبدئية ... المحولات .... و بعدين البطاريات ... و بعدين بحث عن مصادر لاستبدال البطاريات سؤال بعد اذنك .... الحاجات دى بتتباع فى مصر ؟؟ انا اقصد الواح الطاقة الشمسية و المحولات .. و تربينات الهوا و مولدات الغاز الطبيعى ؟؟ فى انتظار بقية المشاركات على احر من الجمر |
رد: حل عملى واقتصادى لمشكلة انقطاع النور
متاااااااااااااابع باهتمام
|
رد: حل عملى واقتصادى لمشكلة انقطاع النور
ونعم بالله يا احمد
معلش اتشغلت اليومين اللى فاتو فى مشاكل السيرفر فاعذرو غيابى عن متابعة الموضوعات احياناً بالنسبة لشغل الطاقة الشمسية كل حاجة موجودة فى مصر وفيه بدل الشركة عشرين بداية من توريد اساسيات النظام الواح ومحولات وكل ده الى الاجهزة اللى بتشتغل على الطاقة الشمسية مباشرة زى الساخانات مثلا وشوفت تكييفات كمان بتشتغل بالطاقة الشمسية http://1.bp.blogspot.com/_bBexTnBU0D...9%8A%D8%A9.jpg http://www.china-solar-factory.com/U...tioner_411.jpg http://img.alibaba.com/photo/6057224...ome_aircon.jpg الأهم كمان ان لو فيه رواج لحلول الطاقة الشمسية فى مصر ودعم من الدولة امكانية تصنيع النظم ديه بخامات وعمالة مصرية 100% ممكنه جداً لدرجة الاكتفاء الذاتى والتصدير لاوروبا كمان بس مين يشتغل وياخد قرارات بس برضو اعتقد فى حالة ان الحلول ديه انتشرت بشكل شعبى او جماهيرى وبقى ليها مستهلك السوق هيتفتح وهيبقى فيه افاق استثمار كبيرة ان لم تكن جبارة لان الطاقة واحدة من اهم الصناعات فى العالم ولأى اقتصاد بالمناسبة بقى اخد رأيكم لو هنفتح موضوع الطاقة الشمسية ونتكلم بالتفاصيل تحبو يكون فى نفس الموضوع ولا موضوع منفصل ؟ |
رد: حل عملى واقتصادى لمشكلة انقطاع النور
الله ينور عليك يا ابو نورا و مجهود واضح على المنتدى
طمنتنى على توافر الواح الطاقة الشمسية انا ادى صوتى لعمل موضوع منفصل عن استخدام الطاقة الشمسية ... و برضو يفضل الموضوع ده لكا الحلول و الافكار |
| الساعة الآن 01:01 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017