تقييم اللوجان
 

لو سمحتوا انا عاوز اشترى عربية فى حدود 70 الف ولفيت كتير فى المنتديات لحد ما تهت وحاسس ان اللوجان ممكن تكون مناسبة بس انا ملاحظ ان كل الناس اللى كاتبة عربيتهم جديدة وانا سامع ان العربية دى موجودة فى مصر بقالها فترة ................
معلش طولت
الخلاصة عاوز حد يقيمها بعد 2 او 3 سنين علشان اى عربية حتى لو صينى اكيد هى حلوة اول كام شهر وبعدين المستخبى كله بيبان .........
اسف مرة اخرى على الاطالة وربنا يبارك فى حضراتكم

رد: تقييم اللوجان
 

لانوس أو فيرنا احسن :286::286::286::286:

رد: تقييم اللوجان
 

انا اسف اني تاخرت عليك في الرد

عموما اللوجان بقالها في مصر من 2009 وانا معايا من 6 2010 يعني تقربا كملت بيها السنتين وبمنتهي الامانه في السنتين اللي فاتو ما شتكتش منها في حاجة الحمد لله والحمد لله جبت كمان سانديرو 2011 لاني عشقت النوع دا من العربيات وشايف انه انسب عربية ممكن تتركب في مصر

مشكلتك الوحيده حتبقي في الغلو النسبي لقطع الغيار عن الكوري ودا طبيعي لان كل العربيات الاوروبي الطبيعي ان قطع الغيار فيه اغلي بس عمرة الافتراضي اطول فلما تيجي تحسبها تلاقي ان انت موفر اكتر بس علي المدي الطويل - دا غير ان قطع الغيار بقت متوفرة برة التوكيل وباسعار اقل من نص السعر جوه التوكيل

وبالتوفيق باذن الله

رد: تقييم اللوجان
 

:fun_36_1_30[1]:nononono:tng::12B1B3~136 :

رد: تقييم اللوجان
 

ههههههههه مفيش فايده, كمان عشر سنين كده تطلع عربية جديدة إسمها "حلبسة " مثلا وواحد يدخل يسأل "هي حلبسة دي عربية حلوه", نقوم نرد عليه إحنا ونقول له "لوجان أحسن وبرقبتها" ههههه ماهي العاده تحكم.

مساء الفل يابرنس, أنا بنكشك بس, مجرد دعابة يعني :CHUBBY~36:

إلى صاحب الموضوع, زي ما العضو akerima قاللك, أنا لسه لوجاناوي مبقاليش شهر, فمش حعرف أفيدك بخبرتي الشخصية, لكن أنا بحثت قبلك كتييييييييييييير قبل ما أشتري, ورد العضو akerima كان هو رد كل واحد إقتنى العربية وجربها لفترة لا تقل عن السنه, وكمان رأيهم فى الوكيل إنه من أحسن التوكيلات في مصر وده تقريبا بإجماع الآراء مع العلم أنا لسه مجربتوش, وطبعا المشاكل الفردية أو التجارب السلبية ميخلاش منها أي توكيل وأي عربية, المهم العموم.

أما غير كده من آراء فمع إحترامي الكامل لأصحابها وتقديري ليهم, كلها آراء نابعة عن السمع وعدم التجربة أو الإنحياز لركوبتة الشخصية. أو عن تجربة سيئه (إن عربية يطلع فيها عيب مثلا) وده وارد وبنسبة طبيعية جدا زي أي عربية. المهم تكون قريت كويس وعرفت عيوبها وميزاتها عشان تشتري وإنت مقتنع تماما, أنا لما إشتريت كنت عارف العيوب قبل المميزات ومحضر نفسي للتأقلم معاها (زي مكان الكلاكس وأزرار الزجاج مثلا, وهي مش كارثة يعني) أو إنها لو ظهرت متخضش وأبقى عارف إن فى التوكيل حيظبطوها فى أول زيارة ليهم (زي سخونة الدواسات مثلا).

بس كده, وفى الأول والآخر إستخير ربنا وإن شاء الرحمن حيسهللك إللى فيه الخير, وهي عموما عربية جميلة وزي الفل معايا الأوتو منها وتحس فعلا إن فلوسك في المكان الصحيح وإن شاء الله تبقى أصيله معايا لحد مربنا يكرم, وآسف للإطالة بس حبيت أنقلك تجربتي لما كنت فى نفس موقفك من حوالى شهر ونصف.

بالتوفيق ونباركلك قريب إن شاء الله.