فراخ كنتاكى لسفره رمضان بالصووور
http://files2.fatakat.com/2013/7/13729894531198.gif
http://files2.fatakat.com/2013/7/13729893271074.gif انا عملت امبارح الكنتاكى ده وجيت اوريهولكو ويارب يعجبكم اولا انا جيبت فرخه حوالى كيلو او كيلو وربع كده ودى اول تكه فى الكنتاكى بالطريقه دى ان الفراخ تكون صغيره عشان انا مش هسلقها ولا اى حاجه يعنى يادوب هتبلها ليله كامله بس فى التتبيله بتاعتها وبعدين هقليها فى زيت غزير وبس على كده فلازم تكون صغيره وكمان تقطعيها 12 او 13 قطعه زى ما انا عامله كده اهه http://files2.fatakat.com/2013/7/13729875383796.jpg وبعدين هبتدى ادخل السكينه فى كل قطعه فيها كميه كبيره من اللحم زى الدبوس او الصفحه بالمنظر ده كده عشان الزيت يتخللها وتستوى من جوه كويس http://files2.fatakat.com/2013/7/13729872404524.jpg http://files2.fatakat.com/2013/7/13729874611201.jpg وبعدين هنيجى بقى لاهم مرحله اللى هى تتبيل الفراخ دى انا جيبت كللللللللللللللل التوابل اللى موجوده عندى فى المطبخ وحطيتها اهم ملح وفلفل وتوم بودر وبصل بودر وكمون وكسبره ناشفه وكركم وكارى وقرفه وبهارات فراخ ومعلقه صلصه وخل ولمون وشطه ومعلقه كبيره سكر اهم http://files2.fatakat.com/2013/7/13729876035707.jpg وده باقى المكونات http://files2.fatakat.com/2013/7/13729876501208.jpg وبعدين حطيت التوابل دى كلها ع الفراخ وحطيت عليها حوالى لتر ميه http://files2.fatakat.com/2013/7/13729877307833.jpg وده المنظر النهائى بعد ما حطيت الميه مع الفراخ والتوابل http://files2.fatakat.com/2013/7/13729877885630.jpg ورجعت حطيت شرايح اللمون دى تانى وبعدين سيبتها فى التلاجه ليله كامله http://files2.fatakat.com/2013/7/13729878672189.jpg جيت تانى يوم بقى خرجتها من التلاجه و جيبت كوبايه دقيق عادى + نص كوبايه دقيق دره وخلطهم على بعض http://files2.fatakat.com/2013/7/13729882055159.jpg وحطيت عليهم نص معلقه من كل نوع من التوابل اللى فوق دى http://files2.fatakat.com/2013/7/13729884338839.jpg اهه الفراخ بعد ما تبلتها بالدقيق http://files2.fatakat.com/2013/7/13729885159580.jpg http://files2.fatakat.com/2013/7/13729885791325.jpg هنيجى بقى للحظه القلى انتى هتحطى الدقيق جنبك والميه اللى باتت فيها الفرخه فى التلاجه ماشى http://files2.fatakat.com/2013/7/13729887104195.jpg والميه كمان اهه http://files2.fatakat.com/2013/7/13729887595855.jpg وبعدين هتجيبى طاسه وتحطى فيها زيت غزيييييييير دى اهم نقطه وبعدين تاخدى الفراخ المتبله بالدقيق دى وترجعى تحطيها فى الميه تانى وتنزلى بيها فى الزيت وممكن تعملى الحركه بتاعه الميه والدقيق دى مرتين لو عايزه القشره اللى ع الفراخ تبقى اكبر فهمانى يعنى تحطيها فى ميه التتبيله وبعدين ترجعى تحطيها فى الدقيق تانى وبعدين فى ميه التتبيله تانى ويعدين تقومى نازله بالقطعه فى الطاسه وان شاء الله هتطلع معاكى ممتازه تانى اهم نقطه انك تسخنى الزيت كويس جداااااااااااا وبعدين تحطى الفراخ يادوب دقيقه كده فى الزيت المولع ده وبعدين توطى النار عشان الفراخ تستوى من جوه متنسيش انها فراخ نيه يعنى لا كانت مسلوقه قبل كده ولا واخده تشويحه ولا اى حاجه وده المنظر النهائى وبالهنا والشفا اسيبكم مع الصور http://files2.fatakat.com/2013/7/13729890281288.jpg http://files2.fatakat.com/2013/7/13729890916696.jpg http://files2.fatakat.com/2013/7/13729891376328.jpg http://files2.fatakat.com/2013/7/13729892239577.jpg منقول |
رد: فراخ كنتاكى لسفره رمضان بالصووور
تسلم أيدك بس هيا الفراخ فيها أحمر ليه بعد القليه ؟؟؟؟؟
ولا هي سبايسى |
رد: فراخ كنتاكى لسفره رمضان بالصووور
أحلى من كنتاكى كفاية إنك عاملها بإيدك |
رد: فراخ كنتاكى لسفره رمضان بالصووور
تسلم ايدك يا شيف يحيى
كل سنة وانت طيب رمضان كريم |
رد: فراخ كنتاكى لسفره رمضان بالصووور
الكريسب مش لازق ف الفراخ وبعدين فين البيض
خلطة عك بس شكرا ليك لأنك نقلت الموضوع لكن ماحدش بيعمل الفراخ بالطريقة دى |
الساعة الآن 06:11 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017