مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   رينو لوجان Logan (https://www.masrmotors.com/vb/forumdisplay.php?f=160)
-   -   دبرياج اللوجان بقا تقيل اوى .. ايه رايكوا ؟؟ (https://www.masrmotors.com/vb/showthread.php?t=128207)

حسام البورسعيدى 17-05-2014 11:44 PM

دبرياج اللوجان بقا تقيل اوى .. ايه رايكوا ؟؟
 
السلام عليكم ورحمة الله وبركاته

انا معايا رينو لوجان 2010 زى ما انتوا عارفين وعامله حوالى 59000 كيلو ..

من فتره الدبرياج بدا يتقل لغايه ما بقا تقيل بدرجة ملحوظة ومحتار ده عيب واير ولا لا قدر الله عيب ديسك ..

انا حاسس انه عيب واير لانى حاسس بتزييق بسيط او حشرجه بسيطه كده فى الدواسة لكن برضو محتار وخايف يكون عيب ديسك ..

مع العلم ان الديسك والاسطوانة فى المشى والسحب زى الفل والعربية بتجيب 180 معايا ..

ايه رأيكوا فى الموضوع ده ..

وللاسف حاجات الرينو وخصوصا اللوجان مش موجوده فى بورسعيد خالص فعاو اعرف من اللى عنده المعلومه سعر طقم الدبرياج الاصلى فى التوكيل وخارج التوكيل وسعر واير الدبرياج الاصلى فى التوكيل وخارج التوكيل والاستيراد ..

وشكرا جزيلا يا احلى اعضاء :)

ledo_m2002 05-07-2014 04:45 PM

رد: دبرياج اللوجان بقا تقيل اوى .. ايه رايكوا ؟؟
 
سعر طقم الدبرياج فى التوكيل 1650 غير المصنعية....انا معايا لوجان 2012 و غيرت طقم الدبرياج على 49000 لنفس العيب(الصوت -تقل الدبرياج)....الغريب بقا ان الصوت رجع و تقل الدبرياج رجع أيضا و أنا عامل دلوقتى 55000...حاجة غريبة جدا...
محدش هنا يعرف حل للمشكلة دىىى؟؟؟

حسام البورسعيدى 23-09-2014 05:27 AM

رد: دبرياج اللوجان بقا تقيل اوى .. ايه رايكوا ؟؟
 
طيب انا توصلت للمشكلة وهى واير الدبرياج كان بايظ خالص وغيرته بواحد جديد وقعد فتره وباظ برضو وغيرته لتانى مره بواحد جديد وبرضو بقى تقيل تانى .. اعتقد ان الواير الاستيراد هو افضل حل للعربية دى ولا ايه رأيكوا ؟؟

Hisham.Elgazzar 23-09-2014 02:04 PM

رد: دبرياج اللوجان بقا تقيل اوى .. ايه رايكوا ؟؟
 
الديسك بعد فترة بينشف فى اى عربية سواء على واير او باكم
وكمان لازم الصنايعى يظبط الواير وهو بيركب من غير اى تحميل على الواير
ويفضل يتغرق من جوا باسبراى سيليكون من غير تزييت او تشحيم
اسبراى سيليكون غرق بيه الواير من جوا وكل فترة تعمل نفس الطريقة وهتدعيلى

eng/walaaeldeen 23-09-2014 02:24 PM

رد: دبرياج اللوجان بقا تقيل اوى .. ايه رايكوا ؟؟
 
السلام عليكم
ممكن تخلي الصنايعي يضع قليل من الزيت او الشحم بين الجراب والسلك
والله المستعان


الساعة الآن 01:08 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017