سؤال لملاك رينو لوجان
 

سؤالى لملاك رينو لوجان . هل يوجد بها زجاج مظلل عازل للحرارة ؟ وما هى فائدته ؟ وما معنى وجود سخان بالزجاج الخلفى؟ وما هى فائدته أيضا؟

رد: سؤال لملاك رينو لوجان
 

الزجاج المظلل مفيد فى عزل حوالى50%من حراره الشمس
فائده السخان فى الزجاج الخلفى يستخدم لازاله الشبوره الصباحيه او تكثيف المياة فى الجو الممطر من داخل السيارة

رد: سؤال لملاك رينو لوجان
 

سخان الزجاج الخلفى دة عشان الشبورة و البرد و الضباب و دة نادرة لما يستخدم فى مصر و ممكن تستخدمه مرة فى السنة و هو بيسخن الزجاج الخلفى اللى بيتكون علية بخار مياه و يحجب الرؤية

رد: سؤال لملاك رينو لوجان
 

الف شكر على سرعة الرد. وارجوا من باقى الاعضاء ملاك رينو لوجان المحترمين افادتى عما اذا كان يوجد بالوجان زجاج عازل للحرارة من عدمه ؟

رد: سؤال لملاك رينو لوجان
 

بص موضوع عازل للحرارة دى صعب شويتين تلاتة ... لكن اللى اضمنهولك ان زجاج اللوجان مظلل بدرجة ضعيفة جدا
التظليل دة مفيد فى حالة واحدة لو الشمس ضاربة فى عينك استحالة يحصل عندك موضوع العما المؤقت ودى حاجة كويسة جدا
درجة التظليل دى بتقلل سخونة صالون العربية بنسبة لا تتعدى 20 % ودة رأى بصراحة
يعنى اه هو مفيد فى الشمس وزجاج محترم اوى لكن موضوع عازل للحرارة دى راجع للتظليل الضعيف سابق الذكر وليس لمنتج معين ملزوق على الزجاج
لك ان تتخيل ان الناس بتركب عوازل حرارية زى v cool ومع ذلك الصالون بيكون سخن مع ركن العربية فى الشمس
احنا فى بلد جوها حار والشمس طالعة اغلب اوقات السنة وبالتالى كلمة عازل للحرارة دى حلم من احلامنا كلنا
ونصيحة اخيرة ليك لو يهمك موضوع حرارة الصالون هات عربية لونها فاتح لانه بيفرق فى السخونية دى
وافضل لون يلبى الغرض هو اللون الفضى لانه بيعكس اشعة الشمس بشكل جيد جدا ...
والسخان الخلفى مفيد اوى بالذات فى الشتا فى اوقات بيكون اوبشن 100 100 وممكن تستخدمه فى انك تنشف من عليه مياه طرطشت على الزجاج
مجرد ما حتشغل السخان 5 دقائق والمياه حتنشف من عليه .. وربنا يوفقك وكل سنة وانت طيب ورمضان كريم