|
سؤال بخصوص سعر ارتفاع سعر سيارة هيونداى i10
السلام عليكم
كنت بفكر اشترى سيارة هيونداى اى 10 بالتقسيط وحدفع مقدم 50 % المهم كنت فى احد فروع توكيل هيونداى وسالتة على النظام فى التقسط قالى حاول تشترى العربية خلال اول 10 ايام من شهر يناير 2013 لان العربية سعرها حيغلى 4 الاف جنية عن سعرها الاصلى الى هو 69 الف نص كماليات على يوم 15 من شهر يناير فهل الكلام ده صح ولا هو عايزنى اشترى العربية وخلاص علشان عمولتة ياريت الى عنده اخبار عن الموضوع ده يبلغنى لانى كنت بفكر ااجل تقسيط العربية شهر ولا حاجة لكن هو قالى حتغلى يوم 15 يناير 4 الاف جنية ولا هو عايز يبيع علشان يضمن عمولتة وخلاص ياريت النصيحة ياشباب وهل العربية تستاهل السعر بتاعها ورايكم فيها بكل صراحة وجزاكم الله خيرا :fun_36_3_16[1]: |
رد: سؤال بخصوص سعر ارتفاع سعر سيارة هيونداى i10
اقتباس:
حتى الان سعر السيارة ثابت ولكن هل سوف يتم زيادة . من المؤكد حضرتك ملاحظ أرتفاع سعر الدولار بطريقة ملحوظة فمن الممكن الزيادة لو لديك أى أستفسار بخصوص السيارة تحت أمرك |
رد: سؤال بخصوص سعر ارتفاع سعر سيارة هيونداى i10
السنة اللى فاتت قبل معرض الاهرام مباشرة العربيات كلها غليت بطريقة غير منطقية
مثلا السبارك بقت ب 60 الف بدل 54!! و ال A113 بقت ب 58 بدل 52!!! و الفيرنا و اللو جان !! ومعظم العربيات اللى سألت عليها ساعتها لقيتها غليت ... فعلا ممكن تغلى خصوصا انها بتيجى مستوردة مش تجميع محلى لو جاهز خلص لانها لو مش هتغلى فا اكيد مش هترخص |
رد: سؤال بخصوص سعر ارتفاع سعر سيارة هيونداى i10
اكيد هتغلى الدولار و صل من 6.08 الى 6.55 واعتقد هيرفع كمان
واعتقد ان كل العربيات هتغلى لو فلوسك جاهزة الحق تعاقد على العربية وتقبل مرورى FLASHCar |
رد: سؤال بخصوص سعر ارتفاع سعر سيارة هيونداى i10
شكرا ليكم
لكن بخصوص العربية انا ناوى اجيبها تقسيط بمقدم 50 فى المية فهل العربية ممتازه وطول فتره التقسيط ال3 او 4 سنين مش ححتاج اصرف عليها مثلا صيانة او شيئ وده السبب الى حيخلينى اشترى العربية زيرو لانى جربت المستعمل وحسيت نفس المبلغ الى حدفعة فى القسط حيدفع فى تصليح العربية المستعملة كل شهر |
| الساعة الآن 07:56 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017