مصر موتورز مجتمع السيارات - حكايتى مع السيارات-حكايه 10 سنوات

-12-
ذهبت للوحده هذا اليوم وانا فى غايه الضيق وما ان بلغت الباب حتى وجدت تجمهر وجلبه وشد وجذب
لم أدر ماذا يحث وعندما تقدمت منهم ألقى السلام00قال احدهم:
-اهو الدكتور جه نشهده على اللى حصل
نزلت من السياره قائلا:
-خير يا جماعه ايه اللى حصل؟
قال رجل كبير وهو يشير لشاب:
-شاب00 الولد ده نزل حدانا فى غيط الفول ومسكته متلبس جامع فول فى كيسه
قال آخر:
-حصل خير مش مشكله قرنين فول ياعم على
نظرت للشاب الذى عقد ساعديه على صدره وبدا كالبلطجى الذى لا يهمه شىء
قال عم على:
-انا عايز حق تخطاية غيطى
قال الشاب:
-انت ح تعمل لك فيلم00عايز ايه م الآخر
-شايفين البجح بيتكلم ازاى
وقفز الشاب ليجلس على شنطه السياره مما استفزنى
قلت:
-انت ياعم على ليك حق والعفو عند المقدرة
سماح
-دى مش اول مرة يا بيه00الواد ده حرامى
قال الشاب:
-انت راجل قليل الادب ولو مش سنك كنت اربيك
-شايفين يا عالم 00شاهدين ياعالم
والله لاقعدك وآخد حقى
قال الشاب:
-اخبط دماغك فى الحيط
وانصرف الشاب وهو يسب الرجل بأحط الالفاظ وبدا ان الجميع يخشونه!
دخلت للوحده والرجل يستحلفنى ان أشهد على ما يحدث
وجدت سيده ومعها ابنها الصغير تريد الكشف عليه
ذهبت الى حجره الكشف
نام الطفل على السرير بصعوبه بالغه بعد ان ناول أمه صفعه مدوية على وجهها!
قالت:
-معلش يا أفندى اصله خايف من الحقن
-مفيش حقن يابابا متخفش
وما ان وضعت السماعه على صدره حتى رفسنى بقدمه ولكزنى بيده فى صدرى
عنفته والدته فقال لها:
-يابنت ال 00 وال00 وال00
فتح لها قاموس شتائم فى منتهى القذاره وتعجت ان طفل لا يتعدى الخامسه يقول مثل هذه الكلمات وأمه تبتسم لقباحة طفلها !
انهيت الكشف سريعا
قالت:
-عنده ايه؟
-شويه برد
-طب يلزمه ايه
-ح اكتب له دوا من هنا تلت مرات بعد الاكل
والاهم دو من بره تلت مرات قبل وبعد الاكل
-وده غالى يا دكتور
-ب 3جنيه
وكتبت لها اسم كتاب -كيف تربى أولادك؟
قلت:
-الدوا ده كتاب 00تقريه وبعدين تطبقى اللى فيه على ابنك يدوب تلحقيه قبل ما يرفع عليكى مطوه00او يسيح دم عيل
وبدا عليها عدم الاكتراث وانصرفت