مصر موتورز مجتمع السيارات - سبب قوى لموت المصريين : ( ظبط الهوا عند الراجل بتاع الكاوتش )

مصر موتورز مجتمع السيارات (https://www.masrmotors.com/vb/index.php)

- سلامتك على الطريق (https://www.masrmotors.com/vb/forumdisplay.php?f=8)

رد: سبب قوى لموت المصريين : ( ظبط الهوا عند الراجل بتاع الكاوتش )

شكرا يا احمد بيه علي المعلومه المفيده SLAMSLAMSLAM

: ( ظبط الهوا عند الراجل بتاع الكاوتش )

اقتباس:

المشاركة الأصلية كتبت بواسطة احمد على 1999 (المشاركة 655636)

مهم جدا تظبط الهوا عند حد مؤهل

اليكم ما حدث معى

كنت مسافر فقبل ما اطلع على الصحراوى و عند اقرب واحد من البيت قولت اظبط هوا (لان مهم ظبط الهوا و الكاوتش بارد يعنى ميكونش مشى اكتر من 2 ل 3 كم)
لقيت الراجل اللى متعود عليه قافل فروحت للى بعده و طبعا كالعادة نزلت اتاكد لان فى حاجات كده لازم الواحد يتاكد منها بنفسه زى ربط مسامير الجنط لان الاهمال فيها بيكلف ارواح
اكتشفت انه بيظبط على 3.2 بار و مش بيظبط على 32 psi طبعا كارثة
فبكل ذوق قولتله معلش حضرتك مش واخد بالك المفروض تظبط على التدريج الجوانى مش البرانى
فقاطعنى بقلة أدب : انت حتعلمنى شغلى ؟
فقلتله لا العفو و بحاول افهمه
فدور وشه و قالى روح اظبط هوا فى حتة تانية !!!!!!

يعنى ربنا يهديه نتيجة لجهله و كبره حيتسبب فى موت ناس
المشكله مش فى الجهل المشكلة فى التكبر على التعلم

فقولت اعرفكم على العداد الطريقة الصح
http://www.masr1.com/?di=X888
مثلا فى عربيتى و فى معظم العربيات الكتالوج بيقول 32 psi طبعا الكلام ده صيفا شتاءا و زيى ما قولت و الكاوتش بارد ميكنش مشى كتير
فى الصورة نموذج لمعظم العدادات اللى عند بتوع الكاوتش
الصح انه يظبط على 32 psi يعنى على التدريج الاحمر اول شرطة صغيرة بعد الشرطة التخينة اللى بين ال 20 و ال 40 كده حتبقى 32 بالظبط و انا علمت عليها فى الصورة بشرطة خضراء

الراجل كان بيظبط على 3.2 bar يعنى على التدريج الاسود على اول شرطة بعد ال 3 و انا علمت عليها بشرطة زرقاء
فبكده فعليا بيظبط على 47 psi

طبعا الكلام ده خطر لان كده الكاوتش عرضه للتلف السريع لو خبط فى نقرة ده غير ان مع سخونة الطريق الضغط بيرتفع كمان اكتر حتى لو الكاوتش مفرقعش فسهل يبوظ و يتأكل اسرع فى منطقة حزام منتصف المداس

http://www.ehow.co.uk/video_2326777_...-pressure.html

http://www.ehow.co.uk/video_2327264_...ssure-car.html

:23_10_13::23_10_13::23_1 0_13::fun_36_3_11[1]::fun_36_3_11[1]::fun_36_3_11[1]:

رد: : ( ظبط الهوا عند الراجل بتاع الكاوتش )

اقتباس:

المشاركة الأصلية كتبت بواسطة خميس حسن (المشاركة 655738)

انا عندى موتور بتاع ثلاجة كبيرة واحد حصان مجهزه فى البيت وبظبط به بنفسى لان فعلا اكثرهم مابيفهموش
وشكرا باشمهندس للتوضيح

العفو يا استاذ خميس الله ينور يا باشا

اقتباس:

المشاركة الأصلية كتبت بواسطة محمد فيصل (المشاركة 655815)

تسلم ايدك يا هندسة
اللهم يسر لنا الطريق جميعاً واحفظنا من الجهله والمفتيين
:fun_36_3_11[1]:

أمين يا رب
شكرا يا محمد باشا على تعليقك الطيب

اقتباس:

المشاركة الأصلية كتبت بواسطة tamer.koko (المشاركة 655864)

شكرا يا احمد بيه علي المعلومه المفيده SLAMSLAMSLAM

العفو يا استاذ تامر

cars admire
:01EDE7~120:

رد: سبب قوى لموت المصريين : ( ظبط الهوا عند الراجل بتاع الكاوتش )

معلومة مفيدة جداً :01F6EB~150: و معظمنا بيهمل الموضوع دة.
وعندى واحد صاحبى كان مسافر على طريق الغردقة و ظبط الهوا فى الاستراحة و الكاوتش ضرب بعدها بعشرة كيلو و العربية اتقلبت بيه. و الحمدلله طلع سليم.:fun_36_3_11[1]::fun_36_3_11[1]:

رد: سبب قوى لموت المصريين : ( ظبط الهوا عند الراجل بتاع الكاوتش )

شكراً لك للمعلومة الهامة ، تصدق أنا عندى كمبريسور فى العربية بس ماكنتش أعرف إزاى استخدمه ، دلوقت عرفت خلاص ، بارك الله فيك